ଇସ୍ରାଏଲ୍-ହିଜବୁଲ୍ଲା ମଧ୍ୟରେ ହେବ ଯୁଦ୍ଧବିରତି
ଟ୍ରମ୍ପଙ୍କ ବଡ଼ ଘୋଷଣା । ଇସ୍ରାଏଲ୍-ହିଜବୁଲ୍ଲା ମଧ୍ୟରେ ହେବ ଯୁଦ୍ଧବିରତି । ବନ୍ଦ ହେବ ଗୁଳିବିନିମୟ । ମଧ୍ୟପ୍ରାଚ୍ୟରେ ଚାଲିଥିବା ଭୟଙ୍କର ସଂଘର୍ଷ ମଧ୍ୟରେ ଆଶ୍ୱସ୍ତିକର ଖବର ସାମ୍ନାକୁ ଆସିଛି । ଗତକାଲି ଇସ୍ରାଏଲ୍ ଓ ଲେବାନନର ସଂଗଠନ ହିଜବୁଲ୍ଲା ମଧ୍ୟରେ ଯୁଦ୍ଧର ତୀବ୍ରତା କମାଇବା ପାଇଁ ସହମତି ପ୍ରକାଶ ପାଇଥିବା ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଘୋଷଣା କରିଛନ୍ତି । ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁଙ୍କ ସହ “ଅତ୍ୟନ୍ତ ସଫଳ” ଆଲୋଚନା ଓ ହିଜବୁଲ୍ଲା ସହ ପରୋକ୍ଷ ଯୋଗାଯୋଗ ପରେ ସଫଳତା ମିଳିଥିବା ଟ୍ରମ୍ପ ଦାବି କରିଛନ୍ତି । ‘ଟ୍ରୁଥ୍ ସୋସିଆଲ୍’ରେ ଟ୍ରମ୍ପ ଲେଖିଛନ୍ତି ଇସ୍ରାଏଲର କୌଣସି ସୈନ୍ୟ ଲେବାନନର ରାଜଧାନୀ ବେରୁତ ଆଡ଼କୁ ଅଗ୍ରସର ହେବେ ନାହିଁ । ଯେଉଁମାନେ ବାଟରେ ଥିଲେ ସେମାନଙ୍କୁ ଫେରାଇ ଅଣାଯାଇଛି ।
