ଟିକେଟ୍ ପାଇଁ ଦଳାଚକଟା
ବାରବାଟୀରେ ଟିକେଟ୍ ପାଇଁ ଠେଲା ପେଲା ଧସ୍ତାଧସ୍ତି ପରସ୍ଥିତି। ଟିକେଟ୍ ନପାଇ କାନ୍ଦିଲେ, ମନ ଦୁଃଖରେ ଫେରିଗଲେ କ୍ରିକେଟ୍ ପ୍ରେମୀ।ଟିକେଟ୍ କାଉଣ୍ଟର ଖୋଲିବା ପରେ ଭିଡ ଧିରେ ଧିରେ ବଢି ଠେଲାପେଲା ସ୍ଥିତିରେ ପହଞ୍ଚିଥିଲା । ଠେଲାପେଲା ଓ ଭିଡ ଭିତରେ ଅନେକ ଲୋକ ଅଚେତ୍ ହୋଇପଡିଥିବାର ଦୃଶ୍ୟ ମଧ୍ୟ ସାମ୍ନାକୁ ଆସିଥିଲା । ଆଉ ଏବେ ସ୍ଥିତି ନିୟନ୍ତ୍ରଣ ବାହାରକୁ ପଳାଇଛି । ଟିକେଟ୍ ପାଇଁ କାଉଣ୍ଟର ଆଗରେ ଦଳଚକଟା ପରିସ୍ଥିତି ଉପୁଜିଛି। ଟିକେଟ୍ ପାଇଁ ଲୋକଙ୍କ ଉପରେ ଲୋକେ ଚଢିଯାଉଥିବାର ଦୃଶ୍ୟ ମଧ୍ୟ ସାମ୍ନାକୁ ଆସିଛି । ଭିଡ ସାଙ୍ଗକୁ ଗୁଳୁଗୁଳି ଯୋଗୁଁ ଲୋକେ ଅଚେତ୍ ହେଉଛନ୍ତି । ସ୍ଥିତି ନିୟନ୍ତ୍ରଣକୁ ଆଣିବା ପାଇଁ ପୋଲିସ ନାକେଦମ୍ ହୋଇପଡିଲାଣି । ଏହାରି ଭିତରେ ଘଟଣାସ୍ଥଳରେ ପହଞ୍ଚିଛନ୍ତି କଟକ ଡିସିପି । ଅଫଲାଇନରେ ଆଜି ଏବଂ କାଲି ଦୁଇ ଦିନ ଟିକେଟ ବିକ୍ରି ହେବ।
