ମାଗଣାରେ ଖୋଲିପାରିବେନି ‘ଏକ୍ସ’ ଆକାଉଣ୍ଟ
ଏଣିକି ଆଉ ମାଗଣରେ କରିପାରିବେନି ସୋସିଆଲ ମିଡିଆ ଏକ୍ସ ର ବ୍ୟବହାର । ଏବେ ନୂଆ ଆକାଉଣ୍ଟ୍ ଖୋଲିବା ପାଇଁ ଲୋକଙ୍କୁ ଦେବାକୁ ପଡିବ ଚାର୍ଜ । ସମସ୍ତ ୟୁଜର୍ସଙ୍କ ପାଇଁ ଏକ ପେଡ୍ ପ୍ଲାଟଫର୍ମ ଆଣିବା ପାଇଁ ଯୋଜନା କରୁଛନ୍ତି ଏଲନ୍ ମସ୍କ । ଦୁଇ ଦେଶ ମଧ୍ୟରେ ଏଲନ ମସ୍କ ଏକ କାର୍ଯ୍ୟକ୍ରମ ଆରମ୍ଭ କରିଛନ୍ତି । ଏହି କାର୍ଯ୍ୟକ୍ରମର ନାଁ ରହିଛି ‘ନଟ୍ ଏ ବଟ୍’ । ଏହି କାର୍ଯ୍ୟକ୍ରମକୁ ପ୍ରଥମେ ଦୁଇ ଦେଶ ନ୍ୟୁଜିଲାଣ୍ଡ ଓ ଫିଲିପାଇନ୍ସରେ ଆରମ୍ଭ କରାଯାଇଛି । ଏହି ଦେଶରେ ଟ୍ୱିଟରରେ ଆକାଉଣ୍ଟ୍ ଖୋଲିବା ପାଇଁ ୧ଡଲାର୍ ଚାର୍ଜ ଦେବାକୁ ପଡୁଛି । ଅନ୍ୟ ଉପଭୋକ୍ତାଙ୍କ ସହ ଯୋଗାଯୋଗ କରିବା ପାଇଁ ଏହି ଫିସ୍ ନିଆଯାଉଛି ।
