ଅଧା ରହିଗଲା ରାମେଶ୍ଵରମ ଯାତ୍ରା !
ପିଛା ଛାଡୁନି ଟ୍ରେନ ଦୁର୍ଘଟଣା । ଗୋଟିଏ ପରେ ଗୋଟିଏ ଟ୍ରେନ ଦୁର୍ଘଟଣା ସାରା ଭାରତରେ ଆଲୋଡନ ସୃଷ୍ଟି କରୁଥିବା ବେଳେ ପୁଣି ଏକ ଭୟଙ୍କର ଟ୍ରେନ ଦୁର୍ଘଟଣା ସଭିଙ୍କୁ ସ୍ତବ୍ଧ କରିଛି । ଟ୍ରେନ ମଧ୍ୟରେ ଅଚାନକ ଅଗ୍ନିକାଣ୍ଡ ଘଟି ୧୦ଜଣ ଜୀବନ୍ତ ଦଗ୍ଧ ହୋଇଛନ୍ତି । ଏବଂ ୨୦ରୁ ଊର୍ଦ୍ଧ୍ଵ ଗୁରୁତର ହୋଇଥିବା ସୂଚନା ରହିଛି । ତେବେ ଏଭଳି ଅଘଟଣ ଘଟିଛି ତାମିଲନାଡୁ ମଦୁରାଇ ଷ୍ଟେସନ ନିକଟରେ। ଆଜି ଉତ୍ତରପ୍ରଦେଶର ଲକ୍ଷ୍ନୌରୁ ତାମିଲନାଡ଼ୁର ରାମେଶ୍ୱରମ ଯାଉଥିବା ଟ୍ରେନଟି ସକାଳେ ତାମିଲନାଡ଼ୁର ମଦୁରାଇ ଷ୍ଟେଶନର ଜଙ୍କସନ୍ରେ ଅଟକିଥିଲା। ପ୍ରାୟ ଭୋର ୫ଟା୧୫ରେ ଟ୍ରେନ୍ରେ ନିଆଁ ଲାଗି ଯାଇଥିଲା।
ଆଖି ପିଛୁଳାକେ ନିଆଁ ଟ୍ରେନ୍ର ଗୋଟିଏ ପରେ ଗୋଟିଏ ବଗିକୁ ମାଡ଼ି ଯାଇଥିଲା। ଫଳରେ ଟ୍ରେନ୍ରେ ଥିବା ଯାତ୍ରୀମାନେ ଜୀବନ ବଞ୍ଚାଇବାକୁ ଏଣେତେଣେ ଧାଇଁବାକୁ ଲାଗିଲେ । ହେଲେ ଏହି ଅଗ୍ନିକାଣ୍ଡରେ ୧୦ ଯାତ୍ରୀ ଜୀବନ୍ତ ଦଗ୍ଧ ହୋଇ ଯାଇଥିବା ବେଳେ ୨୦ ଜଣ ଗୁରୁତର ହୋଇଛନ୍ତି। ପ୍ରାଥମିକ ସୂତ୍ରରୁ ଜଣାପଡିଛି କି କିଛି ଯାତ୍ରୀ ଟ୍ରେନ୍ରେ ଅବୈଧ ଭାବେ ଗ୍ୟାସ୍ ସିଲିଣ୍ଡର ନେଇ ଯାଉଥିବା ବେଳେ ତାହା ଫାଟି ଏହି ଅଗ୍ନିକାଣ୍ଡ । ତେବେ ବର୍ତ୍ତମାନ ପୁରା ଘଟଣାର ତଦନ୍ତ କରୁଛି ରେଳବାଇ ।
