ଟ୍ରାକ୍ ଛାଡ଼ି ପ୍ଲାଟଫର୍ମ ଉପରେ ମାଡ଼ିଗଲା ଟ୍ରେନ୍ !
ମଥୁରା ଜଙ୍କସନରେ ବଡଧରଣର ଦୁର୍ଘଟଣା । ହଠାତ୍ ଟ୍ରାକ୍ ଛାଡ଼ି ପ୍ଲାଟଫର୍ମ ଉପରେ ମାଡ଼ିଗଲା ଟ୍ରେନ୍ । ତେବେ ଭାରତରେ ଚଳିତ ବର୍ଷ ଅନେକ ଟ୍ରେନ ଦୁର୍ଘଟଣା ଖବରର ଶିରୋନାମା ସାଜିଥିବା ବେଳେ ଆଉ ଏକ ଟ୍ରେନ ଦୁର୍ଘଟଣା ସାମ୍ନାକୁ ଆସିଛି । ଉତ୍ତରପ୍ରଦେଶର ମଥୁରା ଜଙ୍କସନରେ ଆଜି ହି ଦୁର୍ଘଟଣା ସାମ୍ନାକୁ ଆସିଛି । ଏକ ଇଏମ୍ୟୁ ଟ୍ରେନ୍ ଦୁର୍ଘଟଣାର ଶିକାର ହୋଇଛି । ଅଚାନକ ଇଏମୟୁ ଟ୍ରେନଟି ପ୍ଲାଟଫର୍ମ ଉପରେ ମାଡ଼ିଯାଇଥିଲା । ତେବେ ଏହାକୁ ଦେଖିବା ପରେ ଷ୍ଟେସନରେ ଭୟରବାତାବରଣ ଖେଳିଯାଇଥିଲା । ଯାତ୍ରୀମାନେ ଭୟଭୀତ ହେବା ସହ ଏଣେତେଣେ ଦୌଡିବାରେ ଲାଗିଥିଲେ । ତେବେ ଦୁର୍ଘଟଣାରେ କୌଣସି ଯାତ୍ରୀ ମୃତାହତ ହୋଇଥିବା ଏଯାଏଁ ସ୍ପଷ୍ଟ ହୋଇନଥିବା ବେଳେ ଯେଉଁ ସମୟରେ ଏହି ଦୁର୍ଘଟଣା ଘଟିଲା ସେତେବେଳେ ଟ୍ରେନରେ କୌଣସି ଯାତ୍ରୀ ନଥିବା ସୂଚନା ରହିଛି । ସେପଟେ ଏହି ଦୁର୍ଘଟଣାର ଯାଞ୍ଚ ଆରମ୍ଭ ହୋଇଯାଇଛି । କାହିଁକି ଏହି ଦୁର୍ଘଟଣା ଘଟିଲା ତାର ଅନୁସନ୍ଧାନ କରୁଛି ରେଳବାଇ ।
