‘ମୋ ପୁଅକୁ ମାରିଦେଲେ ଶିକ୍ଷକ’
ଶିକ୍ଷକଙ୍କ ମାଡ଼ରେ ଜଣେ ୮ମ ଶ୍ରେଣୀ ଛାତ୍ରଙ୍କ ମୃତ୍ୟୁ । ମଧ୍ୟପ୍ରଦେଶର ଗ୍ବାଲିୟର ବହୋଡ଼ାପୁର ଅଞ୍ଚଳସ୍ଥ କୋର୍ଟ ବ୍ୟୁ ସ୍କୁଲରେ ଘଟିଛି ଏହି ଘଟଣା । ଏଠାରେ ପାଠପଢ଼ୁଥିବା ଜଣେ ୮ମ ଶ୍ରେଣୀର ଛାତ୍ର କୃଷ୍ଣ ଚୌହ୍ବାନଙ୍କୁ ଶିକ୍ଷକ ପାଠ କରିବାକୁ ଦେଇଥିଲେ। କୃଷ୍ଣ କିନ୍ତୁ ଏହି ପାଠ କରି ନଥିଲେ । ଫଳରେ ଦୁଇଜଣ ଶିକ୍ଷକ ରାଗି ଯାଇ ମାଡ଼ ମାରିଥିଲେ । ଶିକ୍ଷକଙ୍କ ମାଡ଼ରେ କୃଷ୍ଣ ଗୁରୁତର ଆହତ ହୋଇଥିଲେ। ପରିବାରଲୋକ ଏସମ୍ପର୍କରେ ଖବର ପାଇବା ପରେ ସ୍କୁଲରେ ପହଞ୍ଚି ଗୁରୁତର ପୁଅଙ୍କୁ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିଥିଲେ। ସେଠାରେ ଚିକିତ୍ସାଧୀନ ଅବସ୍ଥାରେ କୃଷ୍ଣଙ୍କ ମୃତ୍ୟୁ ହୋଇଥିଲା ।
