ବର୍ଥ ଡେ’ରେ ସଚିନଙ୍କ ରେକର୍ଡ ସମକକ୍ଷ ହଲେ କୋହଲି
କ୍ରିକେଟର ବିରାଟ କୋହଲି ସ୍ଥାପନ କଲେ ନୂଆ ରେକର୍ଡ । କ୍ରିକେଟର ଗଡ ଫାଦର କୁହାଯାଉଥିବା ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଲେ କୋହଲି । ଦିନିକିଆରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ୪୯ ଶତକ ମାରିଛନ୍ତି । ବିଶ୍ବକପରେ ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚରେ କୋହଲି ଶତକ ହାସଲ କରିବା ସହ ଦିନିକିଆରେ ବି ସେଞ୍ଚୁରି ପାଳି ଖେଳିଛନ୍ତି । ସଚିନଙ୍କ ସମକକ୍ଷ ହୋଇଥିବାବେଳେ ନୂଆ ରେକର୍ଡ ସ୍ଥାପନ କରିଛନ୍ତି ବିରାଟ । ସଚିନ ୪୬୩ ମ୍ୟାଚ ଖେଳିଥିବାବେଳେ ୪୫୨ ପାଳିରୁ ଦିନିକିଆରେ ୪୯ଟି ଶତକ ହାସଲ କରିଛନ୍ତି । ତେବେ ବିରାଟ ୨୮୮ ମ୍ୟାଚ ଖେଳିଥିବାବେଳେ ୨୭୬ ପାଳିରୁ ଏହି ରେକର୍ଡ ଅର୍ଜନ କରିଛନ୍ତି । ସଚିନଙ୍କଠାରୁ କମ ପାଳି ଖେଳି ଶତକରେ ରେକର୍ଡ କରିଛନ୍ତି କୋହଲି । ତେବେ ଚଳିତ ବିଶ୍ବକପରେ ଦିନିକିଆରେ ୫୦ ଶତକ ହାସଲ କରି ବିଶ୍ବର ସବୁଠାରୁ ଅଧିକ ଶତକ ହାସଲ କରିଥିବା ବ୍ୟାଟ୍ସମ୍ୟାନ ବନିବେ ବୋଲି କ୍ରିକେଟ ବିଶେଷଜ୍ଞମାନେ ମତ ଦେଇଛନ୍ତି । ଚଳିତ ବିଶ୍ବକପରେ ଦମଦାର ଫର୍ମରେ ରହିଛନ୍ତି କୋହଲି । ସମସ୍ତ ମ୍ୟାଚରେ ବଡ଼ ବଡ଼ ପାଳି ଖେଳିବା ସହ ଟିମ ଇଣ୍ଡିଆର ସଙ୍କଟମୋଚକ ମଧ୍ୟ ସାଜିଛନ୍ତି ।
