ଇଂଲଣ୍ଡର ଦୁର୍ଭାଗ୍ୟଜନକ ପରାଜୟ
‘ଆଜି ଫେଲ୍ ହୋଇଗଲେ ସମସ୍ତ ଭଲ ଖେଳାଳି । ଦଳ ଆଗରେ ୪୦୦ ରନ୍ର ବଡ଼ ବିଜୟ ଲକ୍ଷ୍ୟ ଥିବା ବେଳେ ଇଂଲଣ୍ଡର ପ୍ରସିଦ୍ଧ ବ୍ୟାଟସ ମ୍ୟାନ୍ ମାନେ ଦକ୍ଷିଣ ଆଫ୍ରିକାର ବୋଲିରଙ୍କ ଆଗରେ ମୁଣ୍ଡ ନୁଆଇଁ ଦେଲେ । ଜନ୍ନି ବେୟାରଷ୍ଟୋ, ଡାୱିଡ ମଲାନ, ଜୋ ରୁଟ୍, ବେନ୍ ଷ୍ଟୋକ୍ସ ଓ ଜୋଶ୍ ବଟଲର । ଏହି ୫ ଖେଳାଳି ମିଶି ମାତ୍ର ୩୮ ରନ୍ କରିଥିଲେ । ଫଳରେ ୨୨୯ ରନ୍ରେ ଦକ୍ଷିଣ ଆଫ୍ରିକାଠାରୁ ଦଳ ପରାସ୍ତ ହୋଇଛି। ଗୋଟିଏ ସମୟରେ ଲାଗୁଥିଲା ପୂରା ଟିମ୍ ୧୦୦ ରନ୍ ପୂର୍ବରୁ ଆଉଟ୍ ହୋଇଯିବ। ୧୦୦ ରନ୍ ହେଲା ବେଳକୁ ଦଳ ୮ଟି ୱିକେଟ୍ ହରାଇ ଦେଇଥିଲା। ଜନ୍ନି ବେୟାରଷ୍ଟ ପ୍ରଥମେ ଆଉଟ୍ ହୋଇଥିଲେ। ୨.୩ ଓଭରରେ ଲୁଙ୍ଗି ଏନ୍ଗିଡ଼ି ବଲ୍ରେ ରସିଙ୍କ ହାତରେ କ୍ୟାଚ୍ ଆଉଟ୍ ହୋଇଥିଲେ ବେୟାରଷ୍ଟୋ। ସେ ୧୨ଟି ବଲ୍ରୁ ୧୦ ରନ୍ କରିଥିଲେ। ତା’ ପରେ କ୍ରମାଗତ ଭାବେ ଦଳ ହରାଇ ଚାଲିଥିଲା ୱିକେଟ୍। ୪, ୫.୧, ୮.୧, ୧୧.୧, ୧୩.୩. ୧୫.୧ ଓ ୧୬.୩ ଓଭରରେ ପଡ଼ିଥିଲା ଆଉ ୭ଟି ୱିକେଟ୍। ଡାୱିଡ ମଲାନ ୬ ରନ୍ କରି ଆଉଟ୍ ହୋଇଥିବା ବେଳେ ଜୋ ରୁଟ୍ ୨, ବେନ୍ ଷ୍ଟୋକ୍ସ ୫, ହ୍ୟାରୀ ବ୍ରୁକ୍ ୧୭, ଜୋଶ୍ ବଟଲର ୧୫, ଡାଭିଡ ୱିଲୀ ୧୨ ଓ ଆଦିଲ ରଶିଦ ୧୦ ରନ୍ କରି ଆଉଟ୍ ହୋଇଥିଲେ।
