ପୁଣି ସୁକୁମାରେ ଯବାନ-ମାଓବାଦୀ ମୁହାଁମୁହିଁ !
ଯବାନଙ୍କ ଗୁଳିରେ ନିହତ ହେଲେ ଦୁଇ ହାର୍ଡକୋର ମାଓବାଦୀ । ମାଲକାନଗିରି ଜିଲ୍ଲା ସୀମାନ୍ତ ଚର୍ଚ୍ଚିତ ଛତିଶଗଡ଼ର ସୁକୁମାରେ ପ୍ରତ୍ଯେକ ସମୟରେ ପୋଲିସ ମାଓବାଦୀ ମୁହାଁମୁହିଁ ଖବର ସାମ୍ନାକୁ ଆସୁଥିବା ବେଳେ ଆଜି ପୁଣି ଏହି ଖବର ସାମ୍ନାକୁ ଆସିଛି । ସୁକୁମାରେ ପୋଲିସ ମାଓବାଦୀଙ୍କ ମୁହାଁମୁହିଁ ବେଳେ ପୋଲିସ ଏନକାଉଣ୍ଟରରେ ୨ ମାଓବାଦୀ ନିହତ ହୋଇଥିବା ଦେଖିବାକୁ ମିଳିଛି । ସୂଚନା ଅନୁସାରେ ଛତିଶଗଡ ସୀମାନ୍ତ ତାଡ଼ମେଟଲା ଅଞ୍ଚଳରେ ଯବାନ -ମାଓବାଦୀ ମୁହାଁମୁହିଁ ହୋଇଥିଲେ । ସର୍ଚ୍ଚ ଅପରେସନ ବେଳେ ଯବାନଙ୍କ ଗୁଳିରେ ୨ ମାଓବାଦୀ ପ୍ରାଣ ହରାଇଛନ୍ତି । ଆହୁରି ଅନେକ ମାଓବାଦୀ ଆହତ ହୋଇଥିବା ଅନୁମାନ କରାଯାଉଛି । ମାଓବାଦୀଙ୍କ ଉପସ୍ଥିତି ନେଇ ସୂଚନା ପାଇବା ପରେ ସୁରକ୍ଷାକର୍ମୀ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଗୁଳିବିନିମୟ ପରେ ସର୍ଚ୍ଚ ଅପରେସନକୁ ଜୋରଦାର କରାଯାଇଛି। ଡିଆରଜି ଓ ସିଆରପିଏଫ୍ ଯବାନମାନେ ସର୍ଚ୍ଚ ଅପରେସନରେ ସାମିଲ ହୋଇଥିଲେ । ତେବେ ଏହି ଅଞ୍ଚଳକୁ ପୁରା ପୋଲିସ କାବୁ କରିନେଇଥିବା ଏଖିବାକୁ ମିଳିଥିଲା ।
