ଯାତ୍ରୀବାହୀ ବସ୍ କୁ ଧକ୍କା ଦେଲା ଟ୍ରକ୍
କେନ୍ଦୁଝର ଆନନ୍ଦପୁର ରାସ୍ତା ଗୋଡ଼ଭଙ୍ଗା ଘାଟିରେ ବସ୍ ଦୁର୍ଘଟଣା । ୧୫ ଯାତ୍ରୀ ଆହତ । ବସ୍ଟି ମୟୂରଭଞ୍ଜ ଜାମଦାରୁ ଭୁବନେଶ୍ବର ଯାଉଥିବା ସମୟରେ ଏକ ଚାଉଳ ବୋଝେଇ ଟ୍ରକ ଏହାକୁ ପଛପଟୁ ଧକ୍କା ଦେଇଥିଲା । ଅଳ୍ପକେ ବର୍ତ୍ତିଲେ ୫୦ରୁ ଊର୍ଦ୍ଧ୍ବ ଯାତ୍ରୀ, ୧୫ ଆହତ ମେଡିକାଲରେ ଭର୍ତ୍ତି । ବିଳମ୍ବିତ ରାତିରେ ବସକୁ ପଛପଟୁ ଧକ୍କା ଦେଲା ଟ୍ରକ୍ । ଫଳରେ ଟ୍ରକଟି ଓଲଟିବା ସହ ଘାଟି ତଳକୁ ଖସିପଡିଛି ବସ୍ । ବସରେ ଥିବା ୧୫ ଜଣ ଯାତ୍ରୀ ଆହତ ହୋଇଛନ୍ତି । ଆହତଙ୍କୁ ଚିକତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ସାଇଶଙ୍କର ନାମକ ବସଟି ରାତିରେ ଯାଉଥିବା ବେଳେ ମହୁଲଡିହା ଥାନା ଗୋଡଭଙ୍ଗା ଘାଟିରେ ଦୁର୍ଘଟଣା ଘଟିଥିଲା । ବସଟି ଘାଟିର ପ୍ରାୟ ୨୦ ଫୁଟ ତଳକୁ ଖସିପଡ଼ିଥିଲା । ଖବର ପାଇଁ ଆନ୍ଦପୁର ପୋଲିସ ଘଟଣାସ୍ଥଳରେ ପହଞ୍ଚିଥିଲା । ପୋଲିସ ଓ ରାସ୍ତାରେ ଯାଉଥିବା ଅନ୍ୟ ବସର ଯାତ୍ରୀମାନେ ଗୁରୁତର ଓ ଆହତ ଯାତ୍ରୀଙ୍କୁ ଉଦ୍ଧାର କରିଥିଲେ । ଉଦ୍ଧାର ଯାତ୍ରୀଙ୍କୁ ଆମ୍ବୁଲାନ୍ସ ଯୋଗେ ନିକଟସ୍ଥ ହସ୍ପିଟାଲକୁ ପଠାଯାଇଛି ।
