ଚକ୍ଷୁଦାନ ପାଇଲେ ମୃଣ୍ମୟୀ ପ୍ରତିମା !
ମାଆଙ୍କ ଆଗମନରେ ପ୍ରକମ୍ପିତ ଧରଣୀ ରାଣୀ । ଚଳଚଞ୍ଚଳ ହୋଇଉଠିଛି ପୂଜା ମଣ୍ଡପ । ମହାମାୟୀଙ୍କ ଦର୍ଶନ ଲାଗି ପୂଜାମଣ୍ଡପରେ ଲାଗିଲାଣି ଗହଳି ଚହଳି । ମଣ୍ଡପରେ ମାଆଙ୍କ ସପ୍ତମୀ ପୂଜା ଆରମ୍ଭ ହୋଇଥିବା ବେଳେ ଚାଲିଛି ଆବାହନ ଓ ମାଙ୍କ ଚକ୍ଷୁଦାନ । ଚଣ୍ଡିପାଠରେ ପ୍ରକମ୍ପିତ ହେଉଛି ଗଗନ ପବନ । ଭୋରରୁ ନଦୀରୁ ପବିତ୍ର ଜଳ ଅଣାଯାଇ ମଣ୍ଡପରେ ନବପତ୍ରିକା ପ୍ରବେଶ ଓ ମାଆଙ୍କର ମହାସ୍ନାନ ପରେ ଚକ୍ଷୁଦାନ କରାଯିବ ।
ପରେ ନୀତିକାନ୍ତି ଅନୁଯାୟୀ କରାଯିବ ସପ୍ତମୀ ପୂଜା । ସେପଟେ ଶକ୍ତିପୀଠରେ ଶୋଡ଼ଷ ଉପଚାରରେ ଚାଲିଛି ମାଆଙ୍କ ଆରାଧନା । ବିଧି ମୁତାବକ ଆସନ୍ତାକଲି ଅଷ୍ଟମୀ ପୂଜାରେ ମାଆଙ୍କ ନିକଟରେ କଖାରୁ ବଳି ଦିଆଯିବ । ପୂଜା ମଣ୍ଡପ ବୁଲିବା ପାଇଁ ଲୋକଙ୍କ ଗହଳି ଧୀରେଧୀରେ ବଢୁଥିବା ବେଳେ ଶାନ୍ତି ଶୃଙ୍ଖଳା ରକ୍ଷା କରିବା ପାଇଁ ବ୍ୟାପକ ପ୍ରସ୍ତୁତି କରିଛି କମିସନରେଟ ପୋଲିସ ।
