ସମୀର-ପୂର୍ଣ୍ଣଚନ୍ଦ୍ର-କିଶୋରଙ୍କର କଟିଲା ଟିକେଟ
ଘୋଷଣା ହୋଇଛି ବିଜେଡିର ପଞ୍ଚମ ପର୍ଯ୍ୟାୟ ପ୍ରାର୍ଥୀ ତାଲିକା । ପଞ୍ଚମ ପର୍ଯ୍ୟାୟ ପ୍ରାର୍ଥୀ ତାଲିକାରେ କଟିଲା ୩ ବିଧାୟକଙ୍କ ଟିକେଟ । ନିମାପଡ଼ା ବିଧାୟକ ସମୀର ଦାସ, ଚିତ୍ରକୋଣ୍ଡା ବିଧାୟକ ପୂର୍ଣ୍ଣଚନ୍ଦ୍ର ବାକା, କୁଚିଣ୍ଡା ବିଧାୟକ କିଶୋର ଚନ୍ଦ୍ର ନାୟକଙ୍କ ଟିକେଟ କଟିଛି । ସମୀର ଦାସଙ୍କ ସ୍ଥାନରେ ଦିଲ୍ଲୀପ ନାୟକଙ୍କୁ ଟିକେଟ ଦେଇଥିବା ବେଳେ ଚିତ୍ରକୋଣ୍ଡାରେ ପୂର୍ଣ୍ଣଚନ୍ଦ୍ରଙ୍କ ସ୍ଥାନରେ ଲକ୍ଷ୍ମୀପ୍ରିୟା ନାୟକଙ୍କୁ ଟିକେଟ ଦେଇଛି ବିଜେଡି । ସେହିପରି କୁଚିଣ୍ଡା ବିଧାୟକ କିଶୋର ଚନ୍ଦ୍ର ନାୟକଙ୍କ ସ୍ଥାନରେ ରାଜେନ୍ଦ୍ର ଛତ୍ରିଆଙ୍କୁ ଟିକେଟ ମିଳିଛି । ସେହିପରି ବିଜେପି ସାଂସଦ ନୀତେଶ ଗଙ୍ଗଦେବଙ୍କ ପତ୍ନୀଙ୍କୁ ବିଜେଡି ଟିକେଟ ମିଳିଛି । କାଲି ଅରୁନ୍ଧତି ଦେବୀ ବିଜେଡିରେ ମିଶିଲେ ଆଜି ଟିକେଟ ନେଲେ । ଦେବଗଡ଼ରୁ ଲଢିବେ ଅରୁନ୍ଧତୀ ଦେବୀ । ସେପଟେ ଅନୁଗୁଳରେ ରଜନୀକାନ୍ତଙ୍କ ସ୍ଥାନରେ ତାଙ୍କ ପତ୍ନୀଙ୍କୁ ଟିକେଟ ମିଳିଛି ।
