କ୍ରିଡାବିତଙ୍କ ଆନ୍ଦୋଳନରେ ସାମିଲ ହେଲା କୋରେଇ ବିଜେପି ଓ କଂଗ୍ରେସ !
ଯାଜପୁର ଜିଲ୍ଲା ବ୍ୟାସନଗର ରାଜୀବ ଗାନ୍ଧୀ ଷ୍ଟାଡିୟମରେ ଚାଲିଛି କ୍ରୀଡ଼ାବିତଙ୍କ ଆନ୍ଦୋଳନ। ଏହି ଆନ୍ଦୋଳନରେ ସାମିଲ ହେଲା କୋରେଇ ବିଜେପି ଓ କଂଗ୍ରେସ l ସୂଚନା ଅନୁସାରେ ଆଜକୁ 8ଦିନ ହେବ ରାଜୀବ ଗାନ୍ଧୀ ଷ୍ଟାଡିୟମର ବିକାଶ ପାଇଁ ବ୍ୟାସନଗରର କ୍ରୀଡ଼ାବିତ ମାନେ ଧାରଣାରେ ବସିଥିବା ଦେଖିବାକୁ ମିଳିଛି l କ୍ରୀଡ଼ାବିତ ମାନଙ୍କ ଦାବି ରାଜୀବ ଗାନ୍ଧୀ ଷ୍ଟାଡିୟମକୁ ଏକ ଉନ୍ନତ ମାନର ଷ୍ଟାଡିୟମ କରାଯାଉ। ତେବେ କ୍ରୀଡ଼ାବିତଙ୍କ ଏହି ଦାବିକୁ କୋରେଇ ବିଜେପି ଓ କଂଗ୍ରେସ ପକ୍ଷରୁ ସମର୍ଥନ ଦିଆଯାଇଥିବା ଦେଖିବାକୁ ମିଳିଛି l
ତେବେ ପୂର୍ବତନ ବିଜେପି ଯୁବ ମୋର୍ଚ୍ଚା ଜିଲ୍ଲା ସଭାପତି ଆଲେକ୍ସଜଣ୍ଡାର ଦାସ,କୋରେଇ ବିଜେପି ନେତା ବିଶ୍ୱଜିତ ନାୟକ ଓ କଂଗ୍ରେସ ରାଜ୍ୟ ସଭାନେତ୍ରୀ ବନ୍ଦିତା ପରିଡ଼ା ଙ୍କ ନେତୃତ୍ୱରେ ଆଜି ବିଜେପି ଓ କଂଗ୍ରେସ ନେତା ମାନେ କ୍ରୀଡ଼ାବିତଙ୍କ ଆନ୍ଦୋଳନ ସ୍ଥଳିରେ ପଂହଁଞ୍ଚି ରାଜ୍ୟ ସରକାର କ୍ରୀଡ଼ାବିତଙ୍କ ଦାବିକୁ ପୂରଣ କରିବାକୁ ଦାବି କରିଛନ୍ତି l ଏଥିସହିତ ଜିଲ୍ଲା ପ୍ରଶାସନ ତୁରନ୍ତ କ୍ରୀଡ଼ାବିତଙ୍କ ଦାବି ପୂରଣ ନକଲେ ଆଗକୁ ଆନ୍ଦୋଳନ ତୀବ୍ର ହେବ ବୋଲି ଚେତାବନୀ ଦେଇଛନ୍ତି ଉଭୟ କୋରେଇ ବିଜେପି ଓ କଂଗ୍ରେସ l
