ଗୋରୁ ଚରାଳିକୁ ଗୁଳିକରି ହତ୍ୟା କଲେ ଜମି ମାଲିକ !
ଗାଈ ଚରାଳିଙ୍କୁ ଗୁଳିକରି ହତ୍ୟା । ଏ ଘଟଣାଟି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ବି ଏପରି ଜଘନ୍ୟ ବିଭଶ୍ଚ ଅମନୁସିକତାର କାଣ୍ଡ ଘଟାଇଛନ୍ତି ଜଣେ ମକାଚାଷୀ । ମକା ଫସଲ ଗୋରୁ ଖାଇବା ନେଇ ଗାଈ ଚରାଳିଙ୍କୁ ଗୁଳି କରି ହତ୍ୟା କରିଛନ୍ତି ଜମି ମାଲିକ। ଏଭଳି ଅଭାବନୀୟ ଘଟଣା କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ଥାନା ଖାରିଗୁଡ଼ା ଗାଁରେ ଘଟିଛି। ମୃତକ ଜଣଙ୍କ ବ୍ରାହ୍ମଣୀ ଗାଁର ମାଦି ପଡ୍ରା ହୋଇଥିବା ବେଳେ ପୁଲିସ ଅଭିଯୁକ୍ତ ଆକାଶ ପଡ୍ରାକୁ ଗିରଫ କରିଛି। ଖବର ଅନୁଯାୟୀ, ଆକାଶ ଗାଁ ନିକଟରେ ଥିବା ଜମିରେ ମକା ଚାଷ କରିଥିଲେ।
ଗତକାଲି ମାଦି ସେହି ଜମି ନିକଟକୁ ଗୋରୁ ଗାଈକୁ ଚରାଇବାକୁ ନେଇଥିଲେ। ମାଦିଙ୍କ ଗାଈ ମକା ଫସଲ ଖାଇ ଦେଇଥିଲା। ଆକାଶ ଉତ୍ତ୍ୟକ୍ତ ହୋଇ ପାଟିତୁଣ୍ଡ କରିବା ସହ ଏକ ଦେଶୀ ବନ୍ଧୁକ ଆଣି ମାଦିଙ୍କୁ ଗୁଳି କରିଥିଲେ । ଘଟଣାସ୍ଥଳରେ ହିଁ ମାଦିଙ୍କ ମୃତ୍ୟୁ ଘଟିଥିଲା। ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିବା ସହ ତଦନ୍ତ ଚଳାଇଛି । ଏହି ଘଟଣା ପରେ ସ୍ଥାନିୟରେ ଭୟାର ବାତାବରଣ ଖେଳିଯାଇଛି ।
