ଅପରାହ୍ନ ୪ଟା ଯାଏଁ ଗୃହ ମୁଲତବୀ !
ଆଜି ବି ପ୍ରଥମ ପର୍ଯ୍ୟାୟରେ ଚାଲି ପାରିଲାନି ଗୃହ । ବିରୋଧୀଙ୍କ ହଟଗୋଳ ନାରାବାଜିରେ କମ୍ପିଉଠିଲା ବିଧାନସଭା । ବିଜେପି ବିଧାୟକଙ୍କ ହଟ୍ଟଗୋଳ ଯୋଗୁ ଠପ ବିଧାନସଭାର ପ୍ରଶ୍ନକାଳ । ଯାହାକୁ ନେଇ ଗୃହ ମୁଲତବୀ ରଖିଛନ୍ତି ବାଚସ୍ପତି । ତେବେ ଗୃହକାର୍ଯ୍ୟ ଆରମ୍ଭ ହେବା ମାତ୍ରେ ମଧ୍ୟଭାଗକୁ ଆସି ହଟ୍ଟଗୋଳ କରିଥିଲ ବିଜେପି ବିଧାୟକ । ୨ ବିଧାୟକଙ୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର ଦାବି କରିଥିଲେ ବିଜେପି ସଦସ୍ୟ ।
ହଟ୍ଟଗୋଳ ଯୋଗୁ ଅପରାହ୍ନ ୪ଟା ପର୍ଯ୍ୟନ୍ତ ଗୃହକୁ ମୁଲତବି ଘୋଷଣା କରିଛନ୍ତି ବାଚସ୍ପତି । ସୂଚନା ଅନୁସାରେ ବାଚସ୍ପତିଙ୍କ ପୋଡିୟମ ଉପରକୁ ଡାଲି ଫିଙ୍ଗି ବିଜେପିର ଦୁଇ ବିଧାୟକ ମୋହନ ମାଝି ଓ ମୁକେଶ ମହାଲିଙ୍ଗକୁ ଚଳିତ ମୌସୁମୀ ଅଧିବେଶନରୁ ନିଲମ୍ବନ କରାଯାଇଛି ।ଏହି ଘଟଣାର ପ୍ରତିବାଦ ସ୍ୱରୂପ ଆଜି ଗୃହରେ ହଟ୍ଟଗୋଳ କରିଥିଲା ବିଜେପି । ଫଳରେ ସ୍ଵାଭାବିକ ହୋଇ ପାରିନଥିଲା ପ୍ରଷ୍ଣକାଳ, ଯାହାକୁ ନେଇ ଅପରାହ୍ନ ୪ତ ଯାଏଁ ମୁଲତବୀ ହୋଇଛି ଗୃହ ।
