ମରଣଯନ୍ତା ପାଲଟିଛି ୧୬ ନମ୍ବର ଜାତୀୟ ରାଜପଥ। ପ୍ରତ୍ଯେକ ସମୟରେ କିଛି ନା କିଛି ଦୁର୍ଘଟଣା ଖବରର ଶୀର୍ଷକ ପାଲଟୁଥିବା ବେଳେ ଆଜି ମଧ୍ୟ ଦେଖିବାକୁ ମିଳିଛି ଏକ ଭୟଙ୍କର ଦୁର୍ଘଟଣାର ଚିତ୍ର । ଶୋଇଥିବା ଗୋରୁପଲ ଉପରେ ମାଡିଗଲା ଟ୍ରକ ଚାଲିଗଲା ୧୦ରୁ ଊର୍ଦ୍ଧ୍ଵ ଗୋରୁଙ୍କ ଜୀବନ । ଏଭଳି ହୃଦୟ ବିଦାରକ ଘଟଣା ଦେଖିବାକୁ ମିଳିଛି ୧୬ନଂ ଜାତୀୟ ରାଜପଥର ଚଣ୍ଡେଶ୍ବର ଓଭରବ୍ରିଜ ଉପରେ ।
୧୦ରୁ ଅଧିକ ଗୋରୁଙ୍କ ମୃତ୍ୟୁ ହୋଇଥିବା ବେଳେ ୫ରୁ ଅଧିକ ଗୋରୁ ଗୁରୁତର ଅଛନ୍ତି । ପୋଲିସ୍ ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରିବା ସହ ଚାଳକଙ୍କୁ ଗିରଫ କରିଛି ।
ସୂଚନା ଅନୁସାରେ ଭୁବନେଶ୍ବରରୁ ବ୍ରହ୍ମପୁର ଯାଉଥିବା ଏକ ମାଲ ବୋଝେଇ ଟ୍ରକ୍ ଚଣ୍ଡେଶ୍ବର ଓଭରବ୍ରିଜ ଉପରେ ଶୋଇଥିବା ଗୋରୁ ପଲ ଉପରେ ଚଢି ଯିବାରୁ ଏଭଳି ଅଭାେବନୀୟ ଘଟଣା ଘଟିଛି । ଫଳରେ ୧୦ ରୁ ଅଧିକ ଗୋରୁଙ୍କ ମୃତ୍ୟୁ ହୋଇଥିବା ବେଳେ ୫ ରୁ ଅଧିକ ଗୋରୁ ଗୁରୁତର ହୋଇଥିଲେ । ଦୁର୍ଘଟଣା ଫଳରେ ଗାଡି ମୋଟର ଚଳାଚଳ ବନ୍ଦ ରହିଥିଲା । ପୋଲିସ୍ ଓ ଅଗ୍ନିଶମ ବାହିନୀର ଉଦ୍ଧାର କାର୍ଯ୍ୟ ପରେ ରାସ୍ତାରେ ଗାଡି ଚଳାଚଳ ସ୍ୱାଭାବିକ ହୋଇଛି । ଏଭଳି ଘଟଣା ପରେ ଦୁଃଖ ପ୍ରକାଶ କରିଛନ୍ତି ସ୍ଥାନୀୟ ଲୋକେ ।
