ବିମାନ ଦୁର୍ଘଟଣା, ୧୦ଜଣଙ୍କ ମୃତ୍ୟୁ
ବ୍ରାଜିଲରେ ଭୟଙ୍କର ବିମାନ ଦୁର୍ଘଟଣା । ଦୁର୍ଘଟଣାରେ ୧୦ଜଣଙ୍କ ମୃତୁ୍ୟ ହୋଇଥିବା ବେଳେ ୧୭ଜଣ ଗୁରୁତର ଅଛନ୍ତି । ବ୍ରାଜିଲର ଦକ୍ଷିଣ ଭାଗରେ ଅବସ୍ଥିତ ପର୍ୟ୍ୟଟନ ସହର ଗ୍ରାମାଡୋରେ ଏହି ଦୁର୍ଘଟଣା ହୋଇଛି । ଗ୍ରାମାଡୋରେ ଏକ ଦୋକାନ ଉପରେ ଗଳିପଡିବା ପରେ ଜଳିଗଲା ଛୋଟ ଘରୋଇ ବିମାନ । ବିମାନଟି ଉଡାଣ ଭରିବାର ଗୋଟିଏ ମିନିଟ ମଧ୍ୟରେ ଦୁର୍ଘଟଣାଗସ୍ତ ହୋଇଛି । ବିମାନଟି ପ୍ରଥମେ ଏକ ବିଲ୍ଡିଂରେ ମାଡ ହେବା ପରେ ଏକ ଫର୍ଣ୍ଣଚର ଦୋକନ ଉପରେ ପଡିଥିଲା । ଦୁର୍ଘଟଣା ପରେ ପୁରା ବିମାନଟି ଜଳିଯାଇଥିବା ଦେଖିବାକୁ ମିଳିଛି । ଦୁର୍ଘଟଣାର ପ୍ରକୃତ କାରଣ ଜଣାପଡିନଥିବା ବେଳେ ଘନ କୁହୁଡି ଯୋଗୁ ବିମାନଟି ଦୁର୍ଘଟଣାଗସ୍ତ ହୋଇଥିବା କୁହାଯାଉଛି ।
