ଦାୟିତ୍ବ ନେଲେ ବୁଗୁଡାର ନୂଆ ବିଡିଓ
ଗଞ୍ଜାମ ଜିଲ୍ଲା ବୁଗୁଡା ବ୍ଲକର ବିଡ଼ିଓ ଭାବେ ସନ୍ତୋଷ କୁମାର ଜେନା ଦାୟିତ୍ବ ଗ୍ରହଣ କରିଛନ୍ତି । ଏହା ପୂର୍ବରୁ ସେ ଓଡ଼ଗାଁ ବ୍ଲକ ବିଡ଼ିଓ ଭାବେ କାର୍ଯ୍ୟ କରୁଥିଲେ । ବୁଗୁଡା ବ୍ଲକରେ କାର୍ଯ୍ୟରତ ବିଡ଼ିଓ ବାସୁଦେବ ନାୟକଙ୍କ ଠାରୁ ସନ୍ତୋଷ କୁମାର ଜେନା ବୁଗୁଡା ବ୍ଲକ ବିଡ଼ିଓ ଭାବେ ଦାୟିତ୍ୱ ଗ୍ରହଣ କରିଛନ୍ତି । ବୁଗୁଡାର ପୂର୍ବତନ ବିଡ଼ିଓ ବାସୁଦେବ ନାୟକଙ୍କୁ ନୟାଗଡ଼ ଜିଲ୍ଲାର ନୂଆଗାଁ ବ୍ଳକର ବିଡ଼ିଓ ଭାବେ ବଦଳି କରାଯାଇଛି । ବୁଗୁଡା ବ୍ଳକର ନୂତନ ବିଡ଼ିଓ ଭାବେ ସନ୍ତୋଷ ଜେନା ଦାୟିତ୍ବ ଗ୍ରହଣ କରିବା ପରେ ବ୍ଲକ କର୍ମଚାରୀ ବୃନ୍ଦଙ୍କ ସମେତ ଉପାଧ୍ୟକ୍ଷ ମାନସ ରଞ୍ଜନ ପ୍ରଧାନ, ବିଭିନ୍ନ ପଞ୍ଚାୟତର ସରପଞ୍ଚ ଓ ସମିତି ମେମ୍ବର ବୃନ୍ଦ ଉପଢୌକନ ଓ ପୁଷ୍ପଗୁଚ୍ଛ ପ୍ରଦାନ କରି ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ । ସେହିପରି ଏଠାରୁ ବଦଳି ହୋଇଥିବା ବିଡ଼ିଓ ବାସୁଦେବ ନାୟକଙ୍କୁ ମଧ୍ୟ ବିଦାୟ କାଳୀନ ସମ୍ବର୍ଦ୍ଧନା ଦିଆଯାଇଥିଲା ।
