ମାଫିଆଙ୍କ ମାଡ଼ରେ ଫାଟିଲା RI ଙ୍କ ମୁଣ୍ଡ
ଆରଆଇଙ୍କ ମୁଣ୍ଡ ଫଟାଇଲେ ମାଫିଆ । ତଦନ୍ତ ପାଇଁ ଯାଇଥିବା ବେଳେ ନିର୍ଘାତ ମାଡ଼ ମାରିଲେ ମାଫିଆ । ଆରଆଇଙ୍କ ମୁଣ୍ଡ ଫଟାଇ ଦେଇଛନ୍ତି ମାଫିଆ । ଏଭଳି ଅଭାବନୀୟ ଚିତ୍ର ଦେଖିବାକୁ ମିଳିଛି ମୟୂରଭଞ୍ଜ ଖୁଣ୍ଟା ଥାନା ସୁବର୍ଣ୍ଣମଞ୍ଜରୀ ଅଞ୍ଚଳରେ । ସୁବର୍ଣ୍ଣମଞ୍ଜରୀ ଅଞ୍ଚଳରେ ଚାଲିଥିବା ବେଆଇନ ପଥର ଖାଦାନ ଉପରେ ଜୁଲାଇ ୧୭ ତାରିଖରେ ୧୪୪ ଧାରା ଜାରି ହୋଇଥିଲା । ହେଲେ ୧୪୪ ଧାରା ଅଂଚଳରେ ବେଆଇନ ଭାବେ ପୁଣି ପଥର ଖାଦାନ ଚାଲିଥିବାରୁ ବଡପଥରା ଆରଆଇ ଦୟାନିଧି ରାଉତ ଘଟଣାସ୍ଥଳକୁ ଯାଇଥିଲେ । ହେଲେ ସେଠାରେ ଆରଆଇଙ୍କୁ ମାଫିଆମାନେ ମାଡ଼ ମାରିବା ସହିତ ତାଙ୍କ ମୁଣ୍ଡ ଫଟାଇ ଦେଇଛନ୍ତି । ଆରଆଇ ଡୁକୁରା ଡାକ୍ତରଖାନାରେ ଚିକିତ୍ସିତ ହୋଇଥିବା ବେଳେ ଏବେ ଖୁଣ୍ଟା ଥାନାରେ ଅଭିଯୋଗ କରିଛନ୍ତି ।
