ପିନାକୀ ଓ ମହେଶଙ୍କ କଟିଲା ଟିକେଟ୍
ଢେଙ୍କାନାଳରୁ ଅବିନାଶ, ପୁରୀରୁ ଅରୁପ ପଟ୍ଟନାୟକ ବିଜେଡି ପ୍ରାର୍ଥୀ । କଟିଲା ପିନାକୀ ଓ ମହେଶଙ୍କ ଟିକେଟ୍। ପୁରୀରୁ ଏଥର ବିଜେଡି ଲୋକସଭା ପ୍ରାର୍ଥୀ ହେଇଛନ୍ତି ଅରୁପ ପଟ୍ଟନାୟକ, ସେହିପରି କଟକରୁ ସନ୍ତୃପ୍ତ ମିଶ୍ର, ଯାଜପୁରରୁ ଶର୍ମିଷ୍ଠା ସେଠୀ, ଢେଙ୍କାନାଳରୁ ଅବିନାଶ ସାମଲ, ଜଗତସିଂହପୁରରୁ ରାଜଶ୍ରୀ ମଲ୍ଲିକ ଓ କନ୍ଧମାଳରୁ ବିଜେଡି ଲୋକସଭା ପ୍ରାର୍ଥୀ ହେଇଛନ୍ତି ଅଚ୍ୟୁତ ସାମନ୍ତ । ବିଜେଡି ତା’ର ଦ୍ୱିତୀୟ ପର୍ଯ୍ୟାୟ ପ୍ରାର୍ଥୀ ତାଲିକାରେ ୨ ଜଣ ସାଂସଦଙ୍କ ଟିକେଟ୍ କାଟିଛି । ପୁରୀ ସାଂସଦ ପିନାକୀ ମିଶ୍ରଙ୍କ ସହିତ ଢେଙ୍କାନାଳ ସାଂସଦ ମହେଶ ସାହୁଙ୍କ ଟିକେଟ୍ କାଟିଛି ଦଳ । ଏହି ଦୁଇ ଆସନରେ ଏବେ ଯଥାକ୍ରମେ ଅରୁପ ପଟ୍ଟନାୟକ ଓ ଅବିନାଶ ସାମଲ ଲୋକସଭା ନିର୍ବାଚନ ଲଢିବେ । ତା ସହିତ ସାଂସଦ ଭର୍ତ୍ତୁହରି ମହତାବ ଦଳରୁ ଇସ୍ତଫା ଦେବା ପରେ ଏବେ କଟକ ଲୋକସଭା ଆସନରୁ ବିଜେଡି ଟିକେଟରେ ଲଢିବେ ସନ୍ତୃପ୍ତ ମିଶ୍ର ।
