ରତ୍ନଭଣ୍ଡାରର ସମ୍ମୁଖ ଦ୍ବାର ହେବ ସୁନା ଛାଉଣୀ !
ଶ୍ରୀମନ୍ଦିର ରତ୍ନଭଣ୍ଡାରର ସମ୍ମୁଖ ଦ୍ବାରକୁ ସୁନା ଛାଉଣୀ କରିବା ପ୍ରସ୍ତାବ ନେଇ ମୁଖ୍ୟମନ୍ତ୍ରୀଙ୍କୁ ଖୁବ୍ ଶୀଘ୍ର ଚିଠି ଲେଖାଯିବା ପାଇଁ ନିଷ୍ପତି ନିଆଯାଇଛି । ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ମାଧବ ମହାପାତ୍ର ଏହା କହିଛନ୍ତି। ଶ୍ରୀମନ୍ଦିର ହୁଣ୍ଡିରୁ ଆୟ ହୋଇ ଗଚ୍ଛିତ ହୋଇ ରହିଥିବା ସୁନା ରୂପାକୁ ଉପଯୋଗ କରି ରତ୍ନଭଣ୍ଡାର ଦ୍ବାରକୁ ସୁନାଛାଉଣୀ କରିବାକୁ ଅନୁରୋଧ କରାଯିବ ବୋଲି ସେ କହିଛନ୍ତି। ଶ୍ରୀମନ୍ଦିର ହୁଣ୍ଡି ଆକ୍ଟ ଅନୁଯାୟୀ ମୁଖ୍ୟମନ୍ତ୍ରୀ ହେଉଛନ୍ତି ହୁଣ୍ଡିରୁ ଆୟ ହୋଇ ଗଚ୍ଛିତ ହୋଇ ରହିଥିବା ସୁନା ରୂପା ଆଦିର ମୁଖ୍ୟ ଏବଂ ଅର୍ଥମନ୍ତ୍ରୀ ହେଉଛନ୍ତି ସମ୍ପାଦକ। ଏଥିପାଇଁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଅନୁରୋଧ କରାଯିବ ବୋଲି ମାଧବ ମହାପାତ୍ର କହିଛନ୍ତି।
