ବିଜେପିକୁ ଯାଇପାରନ୍ତି ପ୍ରସନ୍ନ ପାଟ୍ଟଶାଣୀ
ବିଜେପିକୁ ଯାଇପାରନ୍ତି ପ୍ରସନ୍ନ ପାଟ୍ଟଶାଣୀ । ବିଜେଡିରୁ ଇସ୍ତଫା ଦେଇଥିବା ନେଇ ଚର୍ଚ୍ଚା ହେଉଛି । ସୁପ୍ରିମୋ ଟିକେଟ ଏପର୍ଯ୍ୟନ୍ତ ଦେଇନଥିବାରୁ ଅସନ୍ତୋଷ ଥିବା ସୂଚନା ମିଳିଛି । ଚିଲିକାରୁ ବିଧାନସଭା ପ୍ରାର୍ଥୀ କରାଯିବ କୁହାଯାଇଥିଲା । ନବୀନ ନିବାସ ଯାଇ ଆଲୋଚନା ମଧ୍ୟ କରିଥିଲେ ପ୍ରସନ୍ନ ପାଟ୍ଟଶାଣୀ । ଚିଲିକାରୁ ଟିକେଟ ମିଳିବ ନା ନାହିଁ ସନେ୍ଦହ ରହିଛି । ବିଜେଡିର ବରିଷ୍ଠ ନେତା ଭାବେ ପ୍ରସନ୍ନ ଜଣାଶୁଣା । ସେ ଭୁବନେଶ୍ୱର ଲୋକସଭାରୁ ୫ଥର ଜିତିଛନ୍ତି । ୨୦୧୪ରେ ତାଙ୍କ ସ୍ଥାନରେ ଅରୂପ ପଟ୍ଟନାୟକଙ୍କୁ ଟିକେଟ ଦେଇଥିଲା ବିଜେଡି । ରାଜ୍ୟସଭା ଯିବେ ବୋଲି ପାର୍ଟିରୁ ଆଭାସ ମିଳିଥିବା ଚର୍ଚ୍ଚା ହେଉଥିଲା । କିନ୍ତୁ ଏ ଯାଏ ସେହି ଆସନରେ ପ୍ରାର୍ଥୀ ଘୋଷଣା କରାଯାଇ ନାହିଁ । ତେବେ ଶ୍ରୀ ପାଟ୍ଟଶାଣୀଙ୍କୁ ଚିଲିକାରେ ଟିକେଟ ମିଳିବାର ସମ୍ଭାବନା ବି କ୍ଷୀଣ ରହିଛି । ସେଥି ପାଇଁ ସେ ବିଜେଡିରୁ ଇସ୍ତଫା ଦେଇଥିବା କୁହାଯାଉଛି ।
