ପୁରୀରେ ମୋଦିଙ୍କ ରୋଡ ସୋ’, ଜନସମୁଦ୍ର ପାଲଟିଲା ବଡ଼ଦାଣ୍ଡ
ପୁରୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କଲେ ବିଶାଳ ରୋଡ୍ ସୋ। ଜନସମୁଦ୍ର ପାଲଟିଲା ବଡ଼ଦାଣ୍ଡ । ରୋଡ ସୋ ପୂର୍ବରୁ ଶ୍ରୀନ୍ଦିର ଯାଇ ମହାପ୍ରଭୁଙ୍କୁ ଦର୍ଶନ କରିଥିଲେ ପ୍ରଧାନମନ୍ତ୍ରୀ। ଏହାପରେ ଆରମ୍ଭ ହୋଇଥିଲା ମୋଦିଙ୍କ ରୋଡ୍ ସୋ। ମରିଚିକୋଟ ଛକରୁ ଆରମ୍ଭ ହୋଇ ମେଡିକାଲ ଛକ ପର୍ଯ୍ୟନ୍ତ ଚାଲିଥିଲା ମୋଦୀଙ୍କ ରୋଡ୍ ସୋ’। ମୋଦିଙ୍କ ସହ ରହିଥିଲେ ରାଜ୍ୟ ବିଜେପି ସଭାପତି ମନମୋହନ ସାମଲ, ସାଂସଦ ପ୍ରାର୍ଥୀ ସମ୍ବିତ ପାତ୍ର ଓ ବିଧାୟକ ପ୍ରାର୍ଥୀ ଜୟନ୍ତ ଷଡ଼ଙ୍ଗୀ। ରୋଡ ସୋ’ ସମୟରେ ବଡ ଦାଣ୍ଡରେ ଦେଖିବାକୁ ମିଳିଥିଲା ପ୍ରବଳ ଜନସମାଗମ । ମୋଦୀଙ୍କ ସହ ତାଳ ଦେଇ ଚାଲିଥିଲେ ମୋଦୀଙ୍କ ସମର୍ଥକ । ଏହାସହ ମୋଦୀଙ୍କ ଝଲକ ନେବାକୁ ରାସ୍ତା କଡ ଓ ପ୍ରତି ଘର ଛାତ ଉପରେ ମଧ୍ୟ ଲୋକଙ୍କ ଗହଳି ଦେଖିବାକୁ ମିଳିଥିଲା । ଆଜି ମୋଦୀଙ୍କ ରୋଡ ସୋ’ ପାଇଁ ବଡଦାଣ୍ଡ ସହ ପୁରା ପୁରୀ ସହରକୁ କଡା ସୁରକ୍ଷା ବଳୟ ଭିତରେ ରଖାଯାଇଥିଲା।
