ରାଜ୍ୟସଭାରେ ରେସ୍ରେ ମୁଁ ନାହିଁ: ମନମୋହନ ସାମଲ
କିଏ ଯିବ ରାଜ୍ୟସଭା। ସୁଜିତ୍ ରିପିଟ୍ ହେବେ ନା ଆଉ କାହା ଉପରେ ଭରସା କରିବ ବିଜେପି। ତାକୁ ନେଇ ଲାଗିରହିଛି କଳ୍ପନା ଜଳ୍ପନା । ଏହାରି ଭିତରେ ଏକ ପ୍ରତିକ୍ରିୟା ରଖିଛନ୍ତି ମନମୋହନ ସାମଲ। ରାଜ୍ୟସଭାରେ ରେସ୍ରେ ମୁଁ ନାହିଁ କହିଲେ ମନମୋହନ ସାମଲ ।ରାଜ୍ୟସଭା ନିର୍ବାଚନ ପ୍ରସଙ୍ଗରେ ହେଉଥିବା ଚର୍ଚ୍ଚାକୁ ଖଣ୍ଡନ କଲେ । ମୁଁ ରାଜ୍ୟସଭା ରେସ୍ରେ ଆଦୌ ନାହିଁ, ଏ ଚର୍ଚ୍ଚା କପୋଳକଳ୍ପିତ। ରାଜ୍ୟସଭା କିଏ ଯିବେ ବିଜେପି ସଂସଦୀୟ ବୋର୍ଡ ନିଷ୍ପତ୍ତି ନେବେ। ଡିସେମ୍ବର ୨୦ରେ ରାଜ୍ୟସଭା ଉପନିର୍ବାଚନ । ଆଉ ଓଡ଼ିଶାରୁ ଜଣେ ଯିବେ ରାଜ୍ୟସଭା। ସଂଖ୍ୟା କହୁଛି ବିଜେପି ହିଁ ଜଣକୁ ରାଜ୍ୟସଭା ପଠାଇବ। ହେଲେ କେଉଁ ନେତା ଯିବେ ରାଜ୍ୟସଭା ।
