ଚିଲିକା ସାତପଡ଼ାରେ ଆଜିଠାରୁ ସ୍ୱାଭାବିକ ଡ଼ଙ୍ଗା ଚଳାଚଳ
ଚିଲିକା ସାତପଡ଼ାରେ ଆଜିଠାରୁ ସ୍ୱାଭାବିକ ଡ଼ଙ୍ଗା ଚଳାଚଳ । ଘନ କୁହୁଡ଼ି ଯୋଗୁଁ ଦିନ ୧୧ଟା ପର୍ଯ୍ୟନ୍ତ ଡଙ୍ଗା ଚଳାଚଳ ଉପରେ ଲାଗିଥିବା କଟକଣା ହଟାଇ ଦିଆଯାଇଛି । ଡଙ୍ଗା ଓ ଭେସାଲ ସ୍ବାଭାବିକ ଭାବେ ଚଳାଚଳ କରିବ ବୋଲି ସ୍ଥାନୀୟ ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଛି । ଲାଇଫ ଜ୍ୟାକେଟ, ସେଫଟି ବେଲ୍ଟ ଓ ଜୀବନ ବଞ୍ଚିବା ସରଞ୍ଜାମ ନେଇ ଯାତ୍ରା କରିବା ପାଇଁ ସମସ୍ତ ଡ଼ଙ୍ଗା ଓ ଭସାପୋଲ ପାଇଁ କଡା ନିୟମ ଜାରିକରାଯାଇଛି ।ନିୟମ ନମାନିଲେ ଲାଇସେନ୍ସ ରଦ୍ଧ କରାଯିବ ବୋଲି ପୁରୀ ଜିଲ୍ଲାପାଳ ନିର୍ଦ୍ଦେଶନାମା ଜାରି କରିଛନ୍ତି । ଘନ କୁହୁଡ଼ି ଯୋଗୁଁ ବାରମ୍ବାର ଡଙ୍ଗା ଚଳାଚଳରେ ବାଧା ସୃଷ୍ଟି ହେଉଥିଲା । ଭସାପୋଲରୁ ଖସି ଜଣଙ୍କ ମୃତ୍ୟୁ ମଧ୍ୟ ହୋଇଥିଲା । ଏହାପରେ ଦିନ ୧୧ଟା ପର୍ଯ୍ୟନ୍ତ ଡଙ୍ଗା ଚଳାଚଳ ଉପରେ କଟକଣା ଲଗାଯାଇଥିଲା ।
