ଦୁଇ ବାଘ ଦେଇ ଆସିଲେ ୫ ଜୀବଜନ୍ତୁ
ନନ୍ଦନକାନନରେ ନୂଆ ଅତିଥି । ମିଜୋରାମ ଆଇଜୱାଲ ଚିଡିଆଖାନାରୁ ଦୁଇ ହୁଲକ ଗିବନ ସମେତ ୫ ଜୀବଜନ୍ତୁ ଆସିଛନ୍ତି । ଦୁଇ ଦୁଇ ହୁଲକ ଗିବନଙ୍କ ବୟସ ୪ ବର୍ଷ ଓ ୧୧ ବର୍ଷ । ଅନ୍ୟ ପ୍ରାଣୀଙ୍କ ମଧ୍ୟରେ ଅଛନ୍ତି ହିମାଳୟ କଳା ଭାଲୁ, ଘୁଷରୁ ଲାଞ୍ଜ ମାଙ୍କଡ଼ । ଅଦଳବଳଦ ପ୍ରକ୍ରିୟାରେ ନନ୍ଦନକାନନରୁ ଦୁଇ ବାଘ ଦେଇ ୫ ଜୀବଜନ୍ତୁ ଅଣାଯାଇଛି । ରାଜ୍ୟ ଉଦ୍ଭିଦ ଉଦ୍ୟାନର ଏସିଏଫଙ୍କ ନେତୃତ୍ୱରେ ୬ ଜଣିଆ ଟିମ୍ ଶୁକ୍ରବାର ରାତିରେ ପ୍ରାଣୀମାନଙ୍କୁ ଧରି ନନ୍ଦନକାନନରେ ପହଞ୍ଚିଛନ୍ତି । ଆସିଥିବା ଜୀବମାନଙ୍କୁ ସୁରକ୍ଷା କାରଣରୁ ଏକ ମାସ ସଂଘରୋଧରେ ରଖାଯିବ ବୋଲି ନନ୍ଦନକାନନ କର୍ତ୍ତୃପକ୍ଷ ସୂଚନା ଦେଇଛନ୍ତି । ତେବେ ଏହାକୁ ମିଶାଇ ନନ୍ଦନକାନନରେ ଜୀବଜନ୍ତୁ ସଂଖ୍ୟା ୧୬୩କୁ ବୃଦ୍ଧି ପାଇଛି ।
