ପଥର ମାରି ବନ୍ଧା ହେଲେ ନାବାଳକ, ୨ ଫେରାର ।
ବନ୍ଦେ ଭାରତ ଏକ୍ସପ୍ରେସ୍ ଟ୍ରେନକୁ ପଥର ଫିଙ୍ଗିବା ଅଭିଯୋଗରେ ରେଳବାଇ ପୋଲିସ ବାଲେଶ୍ୱରରେ ଜଣେ ନାବାଳକକୁ ଗିରଫ କରିଛି ।ଏହି ଘଟଣାରେ ସମ୍ପୃକ୍ତ ବାକି ୨ ଯୁବକ ଖସିଯାଇଛନ୍ତି । ସୂଚନା ମୁତାବକ, ବାଲେଶ୍ୱରର ହରିପୁର ଲେବଲ୍ କ୍ରସିଂ ଠାରେ ବନ୍ଦେ ଭାରତ ଏକ୍ସପ୍ରେସକୁ ପଥର ଫିଙ୍ଗିବା ନେଇ ରବିବାର ଦିନ ଆରପିଏଫ୍ କୁ ସୂଚନା ମିଳିଥିଲା । ତଦନ୍ତ ବେଳେ ଷ୍ଟେସନ ନିକଟରେ ଲାଗିଥିବା ସିସିଟିଭିରୁ ପଥର ଫିଙ୍ଗୁଥିବା ୩ ଜଣଙ୍କର ଫଟୋ କଏଦ ହୋଇଥିଲା ।
୩ ଜଣଙ୍କ ମଧ୍ୟରୁ ଜଣେ ନାବାଳକକୁ ଆରପିଏଫ୍ ବାହାନଗା ବ୍ଲକ ଦାଣ୍ଡହରିପୁର ଗାଁରୁ ଗିରଫ କରିଥିବା ବେଳେ ଅନ୍ୟ ୨ ଜଣ ଫେରାର ଅଛନ୍ତି । ପ୍ରାୟ ସବୁଦିନ ଏହି ୩ ଜଣ ବିଭିନ୍ନ ଟ୍ରେନ ଉପରକୁ ଢେଲା ମାରୁଥିବାର ଅଭିଯୋଗ ରହିଛି ।
