ସିନ୍ଦେ-ଅଜିତ୍, କାହାକୁ ମିଳିବ କେଉଁ ବିଭାଗ?
ମହାରାଷ୍ଟ୍ରରେ ଦେବେନ୍ଦ୍ର ଫଡ଼ନାଭିସଙ୍କ ସରକାରରେ କାହାକୁ ମିଳିବ କେଉଁ ପଦବୀ? ମୁଖ୍ୟତଃ ଅର୍ଥ ଓ ଗୃହ ବିଭାଗ କାହାକୁ ମିଳିବ? ଏବେ ତାକୁ ନେଇ କଳ୍ପନାଜଳ୍ପନା ଜାରି ରହିଛି । ଦେବେନ୍ଦ୍ରଙ୍କ ସହ ଦୁଇ ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ ଓ ଅଜିତ ପାୱାରଙ୍କ ମଧ୍ୟରେ କାହାକୁ କ’ଣ ମିଳିବ ସେନେଇ ଏବେଠୁ ଲବି ଆରମ୍ଭ ହୋଇ ସାରିଲାଣି ।
ମନ୍ତ୍ରୀ ପଦରେ ବିଜେପି ଆପୋଷ ବୁଝାମଣା କରିପାରେ ଏବଂ ଏହାର ସଂଖ୍ୟା ହ୍ରାସ କରିପାରେ ବୋଲି ସୂଚନା ରହିଛି। ବିଶେଷ ସୂତ୍ର ଅନୁଯାୟୀ, ଶିବସେନା ମୁଖ୍ୟ ଏକନାଥ ଶିନ୍ଦେ ୧୨ରୁ ୧୩ ମନ୍ତ୍ରୀ ପଦ ପାଇପାରନ୍ତି ଏବଂ ଅଜିତ ପାୱାର ୮ ରୁ ୧୦ ମନ୍ତ୍ରୀ ପଦ ପାଇପାରନ୍ତି। ଏହା ବ୍ୟତୀତ ଭାଜପା ୧୮ ରୁ୨୦ ମନ୍ତ୍ରୀଙ୍କୁ ନିଜ ପାଖରେ ରଖିପାରେ।
