ଶାକ୍ତିପୀଠରେ ଚାଲିଛି ମାଆଙ୍କ ସନ୍ଧି ପୂଜା
ଆଜି ମହାମାୟାଙ୍କ ମହାଷ୍ଟମୀ । ଚାଲିଛି ମାଆଙ୍କ ସନ୍ଧି ପୂଜା । ମା’ଙ୍କ ଆଗମନରେ ଗାଁରୁ ସହର ଉତ୍ସବମୁଖର ହୋଇଥିବା ବେଳେ ସବୁ ମଣ୍ଡପରେ ମାଆଙ୍କ ଦର୍ଶନ ଲାଗି ଭିଡ ଲାଗିଛି । ପୀଠରେ ମା’ଙ୍କର ଆଜି ନବମୀ ପୂଜା ହେଉଥିବା ବେଳେ ମଣ୍ଡପରେ ଚାଲିଛି ମହାଷ୍ଟମୀ ପୂଜା । କଟକ, ଭୁବନେଶ୍ୱର, ପୁରୀ, ରାଉରକେଲା, ବାଲେଶ୍ବର, ସମ୍ବଲପୁର, ବ୍ରହ୍ମପୁର, ଜୟପୁର ସମେତ ରାଜ୍ୟର ସବୁ ସହରରେ ପୂଜା ମଣ୍ଡପ ଗୁଡିକରେ ମା’ଙ୍କୁ ଆବାହନ କରାଯାଉଛି। ମଣ୍ଡପରେ ମା’ଙ୍କ ମହାଷ୍ଟମୀ ପୂଜା ଚାଲିଥିବା ବେଳେ ବିଭିନ୍ନ ଶକ୍ତିପୀଠ ପୀଠରେ ଚାଲିଛି ମା’ଙ୍କ ମହା ନବମୀ ପୂଜା । ଘଣ୍ଟଘଣ୍ଟା ଓ ମନ୍ତ୍ରଧ୍ବନିରେ ପ୍ରକମ୍ପିତ ହେଉଛି ପରିବେଶ ।
ଭୁବନେଶ୍ୱର ତଥା କଟକରେ ସୁଉଚ୍ଚ ତୋରଣ ସାଙ୍ଗକୁ ଆଖିଝଲସା ସାଜସଜା କରାଯାଇଛି। ପାର୍ବଣ ପାଇଁ ରାଜଧାନୀରେ ପୁଲିସ ଛାଉଣୀ ରହିଛି। ଦୁର୍ଗାପୂଜା ଲାଗି ସହରରେ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଥିବାବେଳେ ସୁରକ୍ଷା ବ୍ୟବସ୍ଥାର ଯାଞ୍ଚ କରୁଛି କମିସନରେଟ ପୋଲିସ । କାଲି ପୂଜା ମଣ୍ଡପରେ ନବମୀ ଓ ପରଦିନ ଦଶହରା ହେତୁ ଭକ୍ତଙ୍କ ଅଧିକ ସମାବେଶକୁ ଦୃଷ୍ଟିରେ ରଖି ବିଭିନ୍ନ ପଦକ୍ଷେପ ନେଇଥିବା କହିଛନ୍ତି ଡିସିପି ।
