ବଢିଲା ସୌରିନ ଭଟ୍ଟଙ୍କ ଅଡୁଆ !
ବଢୁଛି ସୌରିନ ଭଟ୍ଟଙ୍କ ଅଡୁଆ । ପୋଲିସ ସହ ଖେଳୁଛନ୍ତି ଲୁଚକାଳି ଖେଳ । ଯାହାକୁ ନେଇ ସୌରିନଙ୍କ ନାଁରେ ଲୁକ୍ ଆଉଟ୍ ନୋଟିସ୍ ଜାରି କରିଛି କମିଶନରେଟ୍ ପୁଲିସ୍। ସୌରିନ ଭଟ୍ଟଙ୍କ ଆଗୁଆ ଜାମିନ ଖାରଜ ହେବା ପରେ ଆଉ ଧରା ଦେଇ ନ ଥିଲେ ସୌରିନ ଭଟ୍ଟ। ଏବେ ସୌରିନଙ୍କୁ ଖୋଜିବାରେ ପୋଲିସ ବିଫଳ ହେବା ପରେ ସୌରିନଙ୍କୁ ଧରିବାକୁ ଏବେ ନୋଟିସ ଜାରି କରିଛି ପୋଲିସ । ସୂଚନା ଅନୁସାରେ ଜୁନ୍ ୧୨ରେ ଜଣେ ଯୁବତୀଙ୍କୁ ମାନସିକ ଓ ଶାରୀରିକ ନିର୍ଯାତନା ଦେଇଥିବା କଟକ ମହିଳା ଥାନାରେ ସୌରିନଙ୍କ ନାଁରେ ଏକ ଲିଖିତ ଅଭିଯୋଗ ହୋଇଥିଲା ।
ଅଭିଯୋଗ ଅନୁଯାୟୀ ବିଭିନ୍ନ ପ୍ରଲୋଭନ ଦେଖାଇ ଯୁବତୀଙ୍କ ସହ ସମ୍ପର୍କ ରଖିଥିଲେ ଏବଂ ଏହାପରେ ଯୁବତୀଜଣକ ପାଖରୁ ଦୂରେଇ ଯିବାକୁ ଚେଷ୍ଟା କରିବାରୁ ସୌରିନ ତାଙ୍କ ଅନ୍ତରଙ୍ଗ ଫଟୋ ଭାଇରାଲ କରିବା ସହ କ୍ୟାରିୟର ଶେଷ କରିବାର ଧମକ ଦେଇ ସମ୍ପର୍କ ରଖିବାକୁ ବାଧ୍ୟ କରିଥିଲେ । ଯାହାକୁ ନେଇ କଟକ ମହିଳା ଥାନାରେ ଅଭିଯୋଗ କରିଥିଲେ ଯୁବତୀ ଜଣଙ୍କ । ତେବେ ମହିଳା ଥାନା ପୋଲିସ ସୌରିନଙ୍କୁ ଖୋଜିବାରେ ବିଫଳ ହୋଇଥିବା ବେଳେ ଏବେ ସୌରିନଙ୍କ ନାଁରେ ଲୁକ୍ ଆଉଟ୍ ନୋଟିସ୍ ଜାରି କରିଛି କମିଶନରେଟ୍ ପୁଲିସ୍।
