ମେ’ ୨ରୁ ଖୋଲିବ କେଦାରନାଥ କବାଟ
ଜ୍ୟୋତିର୍ଲିଙ୍ଗ କେଦାରନାଥଙ୍କ ଭକ୍ତମାନଙ୍କ ପାଇଁ ଖୁସିଖବର । ଆସନ୍ତା ମଇ ୨ ତାରିଖରୁ ଭକ୍ତମାନଙ୍କ ପାଇଁ ବାବା କେଦାରନାଥଙ୍କ ମନ୍ଦିର ଖୋଲିବାକୁ ଯାଉଛି । ଯାତ୍ରାକୁ ସଫଳ କରିବା ପାଇଁ ଏଥର ପ୍ରଶାସନ ଯାତ୍ରୀମାନଙ୍କ ପାଇଁ ଯାତ୍ରା ସହିତ ରହିବା ପାଇଁ ସ୍ୱତନ୍ତ୍ର ପ୍ରସ୍ତୁତି କରିଛି। କେଦାରନାଥ ଧାମରେ ୧୫,୦୦୦ ତୀର୍ଥଯାତ୍ରୀଙ୍କ ରାତ୍ରୀଯାପନର ବ୍ୟବସ୍ଥା କରାଯାଇଛି। ପ୍ରଶାସନ ପଦଚଲାଯାତ୍ରା ମାର୍ଗର ବିଭିନ୍ନ ଷ୍ଟପେଜରେ ୨୦୦୦ ତୀର୍ଥଯାତ୍ରୀଙ୍କ ରାତ୍ରୀଯାପନ ପାଇଁ ବିଶେଷ ପ୍ରକାର ବ୍ୟବସ୍ଥା କରାଯିବା ସହିତ ନୂତନ କୋଠା ନିର୍ମାଣ କରାଯାଇଛି। ପୁନଃନିର୍ମାଣ ଅଧୀନରେ ନିର୍ମିତ ଏହି କୋଠାଗୁଡ଼ିକ ଭକ୍ତମାନଙ୍କ ରାତ୍ରିଯାପନ ପାଇଁ ସହାୟକ ହେବ। ଏହା ବ୍ୟତୀତ ଗଢ଼ୱାଲ ମଣ୍ଡଳ ବିକାଶ ନିଗମକୁ ଯାତ୍ରୀମାନଙ୍କ ପାଇଁ ଖାଦ୍ୟ ଏବଂ ରହିବା ବ୍ୟବସ୍ଥା କରିବାର ଦାୟିତ୍ୱ ଦିଆଯାଇଛି।
