ଭାରତକୁ ମିଳିଲା ଦ୍ୱିତୀୟ ବୁଡ଼ାଜାହାଜ INS Arighat
ଭାରତ ବିଶାଖାପାଟଣାରେ ନିଜର ଦ୍ୱିତୀୟ ପରମାଣୁ ବୁଡ଼ାଜାହାଜ ଆଇଏନଏସ ଅରିଘାତକୁ ନୌସେନାରେ ସାମିଲ କରିଛି। ଅରିହନ୍ତ ଶ୍ରେଣୀର ଏହି ବୁଡ଼ାଜାହାଜ ଭାରତର ଆଣବିକ ଶକ୍ତିକୁ ସୁଦୃଢ଼ କରିବା ସହ ପରମାଣୁ ପ୍ରତିରୋଧ ଶକ୍ତି ବୃଦ୍ଧି କରିବ। ଆଇଏନଏସ ଅରିଘାତ ରଣନୈତିକ ସନ୍ତୁଳନ ଓ ଶାନ୍ତି ପ୍ରତିଷ୍ଠା କରିବାରେ ସହାୟକ ହେବ ଏବଂ ଦେଶର ସୁରକ୍ଷାରେ ନିର୍ଣ୍ଣାୟକ ଭୂମିକା ଗ୍ରହଣ କରିବ ବୋଲି ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ କୁହାଯାଇଛି । ବିଶାଖାପାଟଣାସ୍ଥିତ ଜାହାଜ ନିର୍ମାଣ କେନ୍ଦ୍ରରେ ଏହାକୁ ତିଆରି କରାଯାଇଛି । ଏହାର ଡିସପ୍ଲେସମେଣ୍ଟ ହେଉଛି ୬୦୦୦ ଟନ୍ । ଲମ୍ବ ପ୍ରାୟ ୧୧୩ ମିଟର । ବିମ୍ ୧୧ ମିଟର ହୋଇଥିବା ବେଳେ ଡ୍ରାଫ୍ଟ ହେଉଛି ୯.୫ ମିଟର । ଏହା ପାଣି ଭିତରେ ୯୮୦ରୁ ୧୪୦୦ ଫୁଟ ଗଭୀର ପର୍ଯ୍ୟନ୍ତ ଯାଇପାରେ । ଏହାର ରେଞ୍ଜ ଅସୀମିତ, ଅର୍ଥାତ ଯଦି ଖାଦ୍ୟ ଯୋଗାଣ ଏବଂ ରକ୍ଷଣାବେକ୍ଷଣା ହୁଏ, ତେବେ ଅସୀମିତ ସମୟ ପର୍ଯ୍ୟନ୍ତ ଏହା ସମୁଦ୍ରରେ ରହିପାରିବ ।
INS ଅରିଘାଟରେ 12 K15 SLBM ମୁତୟନ କରାଯାଇଛି । ବୁଡ଼ାଜାହାଜ ଉତ୍କ୍ଷେପଣ ବାଲିଷ୍ଟିକ୍ କ୍ଷେପଣାସ୍ତ୍ରର ସୀମା ହେଉଛି ୭୫୦ କିଲୋମିଟର । ଏଥିରେ ୪ଟି K4 କ୍ଷେପଣାସ୍ତ୍ର ରହିଛି, ଯାହାର ରେଞ୍ଜ ୩୫୦୦ କିଲୋମିଟର । ଏହି ବୁଡ଼ାଜାହାଜକୁ କେ-୪ ଭଳି ମାରାତ୍ମକ କ୍ଷେପଣାସ୍ତ୍ର ସହିତ ସଜାଯିବ। ଏହି କ୍ଷେପଣାସ୍ତ୍ରର ୩ ହଜାର କିଲୋମିଟର ଦୂରତାରେ ଆକ୍ରମଣ କରିବାର କ୍ଷମତା ଅଛି।
