IMF ପାକିସ୍ତାନ ଉପରେ ଲାଗୁ କଲା ୧୧ଟି ସର୍ତ୍ତ
ଅପରେସନ ସିନ୍ଦୂର ପରେ ପାକିସ୍ତାନକୁ ଏକ ବଡ଼ ଝଟକା ଲାଗିଛି । IMF ପାକିସ୍ତାନ ଉପରେ ଏହାର ବେଲଆଉଟ କାର୍ଯ୍ୟକ୍ରମର ପରବର୍ତ୍ତୀ ପର୍ଯ୍ୟାୟ ଜାରି ରଖିବା ପାଇଁ ୧୧ ଟି ନୂତନ ସର୍ତ୍ତ ଲାଗୁ କରିଛି । ଭାରତ ସହିତ ଉତ୍ତେଜନା ଯୋଜନାର ଆର୍ଥିକ, ବାହ୍ୟ ଏବଂ ସଂସ୍କାର ଲକ୍ଷ୍ୟ ପ୍ରତି ବିପଦ ବୃଦ୍ଧି କରିପାରେବୋଲି ଚେତାବନୀ ଦେଇଛି ।ପାକିସ୍ତାନ ପାଇଁ IMF ଦ୍ୱାରା ଧାର୍ଯ୍ୟ କରାଯାଇଥିବା ୧୧ଟି ସର୍ତ୍ତ ମଧ୍ୟରେ ୧୭ .୬ ଟ୍ରିଲିୟନ ପାକିସ୍ତାନୀ ଟଙ୍କାର ନୂତନ ବଜେଟକୁ ସଂସଦର ଅନୁମୋଦନ , ବିଦ୍ୟୁତ୍ ବିଲ୍ ଉପରେ ଋଣ ସେବା ସରଚାର୍ଜ ବୃଦ୍ଧି ଏବଂ ତିନି ବର୍ଷରୁ ପୁରୁଣା କାର ଆମଦାନୀ ଉପରେ ପ୍ରତିବନ୍ଧକ । ପାକିସ୍ତାନୀ ଗଣମାଧ୍ୟମ ଏକ୍ସପ୍ରେସ ଟ୍ରିବ୍ୟୁନ୍ ଏ ବିଷୟରେ ସୂଚନା ଦେଇଛି । ଗତକାଲି ପ୍ରକାଶିତ IMFର କର୍ମଚାରୀ ସ୍ତରୀୟ ରିପୋର୍ଟରେ କୁହାଯାଇଛି ଯଦି ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ଜାରି ରହେ କିମ୍ବା ଆହୁରି ଖରାପ ହୁଏ, ତେବେ କାର୍ଯ୍ୟକ୍ରମର ଆର୍ଥିକ, ବାହ୍ୟ ଲକ୍ଷ୍ୟ ପ୍ରତି ବିପଦ ବଢ଼ିପାରେ ବୋଲି ରିପୋର୍ଟରେ କୁହାଯାଇଛି । ଏଥିରେ ଆହୁରି କୁହାଯାଇଛି ଯେ ଗତ ଦୁଇ ସପ୍ତାହ ମଧ୍ୟରେ ପାକିସ୍ତାନ ଏବଂ ଭାରତ ମଧ୍ୟରେ ଉତ୍ତେଜନା ଯଥେଷ୍ଟ ବୃଦ୍ଧି ପାଇଛି, କିନ୍ତୁ ବଜାର ପ୍ରତିକ୍ରିୟା ସାମାନ୍ୟ ରହିଛି।ଷ୍ଟକ୍ ବଜାର ଏହାର ସାମ୍ପ୍ରତିକ ଲାଭକୁ ବଜାୟ ରଖିଛି ଏବଂ ସ୍ପ୍ରେଡ୍ ସାମାନ୍ୟ ଭାବରେ ବୃଦ୍ଧି ପାଇଛି । IMF ରିପୋର୍ଟରେ ଆଗାମୀ ଆର୍ଥିକ ବର୍ଷ ପାଇଁ ପାକିସ୍ତାନର ପ୍ରତିରକ୍ଷା ବଜେଟ୍ ୨.୪ ଟ୍ରିଲିୟନ ଟଙ୍କା ଦର୍ଶାଯାଇଛି, ଯାହା ୧୨ ପ୍ରତିଶତ ବୃଦ୍ଧି ହୋଇଛି । ଏହି ମାସର ଆରମ୍ଭରେ ଭାରତ ସହିତ ମୁହାଁମୁହିଁ ହେବା ପରେ ଶାହବାଜ ସରକାର ବଜେଟରେ IMF ଆକଳନ ଅପେକ୍ଷା ୨.୫ ଟ୍ରିଲିୟନ ଟଙ୍କା କିମ୍ବା ୧୮ ପ୍ରତିଶତ ଅଧିକ ବ୍ୟୟବରାଦ କରିବାକୁ କହିଛନ୍ତି । ଏକ୍ସପ୍ରେସ୍ ଟ୍ରିବ୍ୟୁନ୍ ରିପୋର୍ଟ କରିଛି ଯେ ଏହି ୧୧ଟି ନୂତନ ସର୍ତ୍ତ ଲାଗୁ କରିବା ପରେ, ପାକିସ୍ତାନ ଉପରେ IMFମୋଟ ସର୍ତ୍ତ ସଂଖ୍ୟା ୫୦ ହୋଇଯାଇଛି ।
