ନରକଙ୍କାଳ କାହାର ?
ଗଞ୍ଜାମ ଜିଲ୍ଲାରେ ଦୁଇଟି ସ୍ଥାନରୁ ଆଜି ଉଦ୍ଧାର ହୋଇଛି ମୃତଦେହ । ଗୋଟିଏ ନରକଙ୍କାଳ ଠାବ ହୋଇଥିବା ବେଳେ ଏକ ଅଜଣା ମୃତଦେହ ମିଳିଛି । ହିଂଜିଳିକାଟୁ ଥାନା ଅନ୍ତର୍ଗତ ମହୁଲପଲ୍ଲୀ ଗାଁ ପଡ଼ିଆରୁ ନରକଙ୍କାଳ ଠାବ ହୋଇଛି । ନର କଙ୍କାଳଟି କୌଣସି ପୁରୁଷର ବୋଲି ଅନୁମାନ କରାଯାଉଛି । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଏହି ନରକଙ୍କାଳଟି କାହାର ଓ କେତେ ଦିନ ଧରି ଏଠାରେ ପଡିଛି ତାହା ସ୍ପଷ୍ଟ ହୋଇନି । ସ୍ଥାନୀୟ ଅଞ୍ଚଳରେ ଲୋକଙ୍କୁ ପଚରାଉଚରା କରୁଛି ପୁଲିସ । ପୁଲିସ ଏହି ଘଟଣାରେ ଅଧିକ ତଦନ୍ତ କରୁଛି । ଏଣେ ପାଟପୁର ଥାନା ପଦ୍ମପୁର ପଞ୍ଚାୟତ ବୃନ୍ଦାବନପୁର ନିକଟରୁ ଜଣେ ଅଜଣା ଯୁବକଙ୍କ ମୃତଦେହ ପଡ଼ିଥିବା ସୂଚନା ରହିଛି । ପୁଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରି ତଦନ୍ତ ଆରମ୍ଭ କରିଛି । ମୃତକର ନାମ ଅନିଲ ନାୟକ । ଘଟଣାସ୍ଥଳରେ ପୁଲିସ, ସନ୍ଧାନୀ କୁକୁର ଓ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
