ହରିୟାଣା ବିଧାନସଭା ନିର୍ବାଚନ।

ହରିୟାଣା ନିର୍ବାଚନ: ୧ଟା ସୁଦ୍ଧା ୩୬.୬୯ ପ୍ରତିଶତ ମତଦାନ

ଚାଲିଛି ହରିୟାଣା ବିଧାନସଭା ନିର୍ବାଚନ। ସକାଳ ୭ରୁ ଭୋଟ୍ ଗ୍ରହଣ ଆରମ୍ଭ ହୋଇଥିବା ବେଳେ ସଂଧ୍ୟା ୬ଟା ଯାଏଁ ଚାଲିବ। ଦିନ ୧ଟା ସୁଦ୍ଧା ୩୬.୬୯ ପ୍ରତିଶତ ମତଦାନ ହୋଇଥିବା ନେଇ ସୂଚନା ରହିଛି । ସମସ୍ତ ଜିଲ୍ଲା ମଧ୍ୟରେ ଜିନ୍ଦ ଜିଲ୍ଲାରେ ସର୍ବାଧିକ ଭୋଟ୍ 12.71% ହୋଇଛି। ରେସଲର ଭିନେଶ ଫୋଗେଟ୍ ଜିନ୍ଦ୍ର ଜୁଲାନା ଆସନରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ସର୍ବାଧିକ ଭୋଟ୍ ଏଠାରେ 14.50% ରେ ହୋଇଥିଲା । 2024 ବିଧାନସଭା ନିର୍ବାଚନରେ 90 ଟି ଆସନରେ 1031 ପ୍ରାର୍ଥୀ ନିର୍ବାଚନ ଲଢୁଛନ୍ତି । ମୋଟ 2 କୋଟି 03 ଲକ୍ଷ 54 ହଜାର 350 ଭୋଟର 20 ହଜାର 629 ମତଦାନ କେନ୍ଦ୍ରରେ ଭୋଟ୍ ଦେବେ। ହରିୟାଣା ବିଧାନସଭା ନିର୍ବାଚନ 2024 ପାଇଁ କଡା ସୁରକ୍ଷା ବ୍ୟବସ୍ଥା କରାଯାଇଛି। ସମଗ୍ର ରାଜ୍ୟରେ 225 ଟି ସୁରକ୍ଷା ବାହିନୀ ନିୟୋଜିତ ହୋଇଛନ୍ତି। 30 ହଜାର ପୋଲିସ କର୍ମଚାରୀ, 21 ହଜାରରୁ ଅଧିକ ହୋମଗାର୍ଡ ଏବଂ 11 ହଜାର ଏସପିଓଙ୍କୁ ଡ୍ୟୁଟିରେ ରଖାଯାଇଛି। ସମସ୍ତ ମତଦାନ କେନ୍ଦ୍ରରେ ସିସିଟିଭି କ୍ୟାମେରା ଲଗାଯାଇଛି।