କେଉଁ ସମୟରେ ପାଳନ କରିବେ ଜନ୍ମାଷ୍ଟମୀ?
ପବିତ୍ର ଜନ୍ମାଷ୍ଟମୀ । ପ୍ରଭୁ ଶ୍ରୀକୃଷ୍ଣଙ୍କ ଜନ୍ମଦିନ । ଏନେଇ ଚଳ ଚଞ୍ଚଳ ଶ୍ରୀକୃଷ୍ଣ ମନ୍ଦିର । ଭାଦ୍ରବ ମାସ କୃଷ୍ଣପକ୍ଷ ଅଷ୍ଟମୀ ତିଥି ଅର୍ଥାତ ପବିତ୍ର ଜନ୍ମାଷ୍ଟମୀ । ସବୁଠି ପାଳନ ହେଉଛି ଶ୍ରୀକୃଷ୍ଣ ଜନ୍ମୋତ୍ସବ । କିମ୍ବଦନ୍ତୀ ଅନୁସାରେ ଭାଦ୍ରବ କୃଷ୍ଣ ପକ୍ଷ ଅଷ୍ଟମୀ ତିଥିରେ ବିଷ୍ଣୁଙ୍କ ଅଷ୍ଟମ ଅବତାର ଭାବେ ଭଗବାନ ଶ୍ରୀକୃଷ୍ଣ ଜନ୍ମ ନେଇଥିଲେ । ଦ୍ୱାପର ଯୁଗରେ ପ୍ରବଳ ପ୍ରତାପୀ କଂସକୁ ବଧ କରିବା ନିମନ୍ତେ ମାନବ ରୂପରେ ଭାଦ୍ରବ ମାସ କୃଷ୍ଣପକ୍ଷ ଅଷ୍ଟମୀ ତିଥିରେ ଧରାବତରଣ କରିଥିଲେ ଭଗବାନ ବିଷ୍ଣୁ । ଏହା ଥିଲା ତାଙ୍କର ଶ୍ରୀକୃଷ୍ଣ ଅବତାର । କଂସଦ୍ୱାରା ବନ୍ଦୀ ଭଗ୍ନୀ ଦେବକୀଙ୍କ ଗର୍ଭରୁ ବନ୍ଦିଶାଳାରେ ଅର୍ଧ ରାତ୍ରୀରେ ରୋହିଣୀ ନକ୍ଷତ୍ର- ବୃଷରାଶିର ସଂଯୋଗ ସମୟରେ କୃଷ୍ଣ ଜନ୍ମ ଲାଭ କରିଥିଲେ । କଂସଙ୍କ କାରାଗାରରେ ଜନ୍ମ ହେବା ପରେ ତାଙ୍କ ପିତା ବାସୁଦେବ ତାଙ୍କୁ ଗୋକୁଳାନନ୍ଦ ବାବାଙ୍କ ଘରେ ଛାଡିଥିଲେ। କୃଷ୍ଣ ତାଙ୍କର ପୁରା ପିଲାଦିନକୁ ନନ୍ଦ ଗାଁରେ ବିତାଇଥିଲେ। କୃଷ୍ଣ ଏହି ପୃଥିବୀରେ ଜନ୍ମ ହୋଇଥିଲେ, ଯାହାକି କଂସଙ୍କ ଅତ୍ୟାଚାରରୁ ଜଗତକୁ ମୁକ୍ତ କରିଥିଲା। କୃଷ୍ଣଙ୍କ ଜନ୍ମ ହେତୁ ସମଗ୍ର ଗୋକୁଳଧାମରେ ଉତ୍ସାହର ଲହରୀ ଖେଳିଯାଇଥିଲା। ପ୍ରତିବର୍ଷ କୃଷ୍ଣଙ୍କ ଜନ୍ମ ବାର୍ଷିକୀ ଅତି ଉତ୍ସାହର ସହିତ ପାଳନ କରାଯାଏ।
ଉତ୍ତର ପ୍ରଦେଶର ମଥୁରାରେ ଶ୍ରୀକୃଷ୍ଣ ଜନ୍ମଗ୍ରହଣ କରିଥାବାରୁ ଏଠାରେ ଏହି ଉତ୍ସବ ବିଶେଷ ଉଲ୍ଲାସରେ ପାଳିତ ହୋଇଥାଏ । କୃଷ୍ଣଙ୍କର କ୍ରୀଡ଼ାଭୂମୀ ଗୋକୁଳ ଓ ବୃନ୍ଦାବନରେ ଅସଂଖ୍ୟ ଜନଗହଳି ହୋଇଥାଏ । ଏହି ଉତ୍ସବ ପ୍ରାୟ ସାତଦିନବ୍ୟାପି ପାଳିତ ହୋଇଥାଏ । ଗୁଜରାଟର ଦ୍ୱାରକାରେ ଥିବା ଦ୍ୱାରିକାଧିଶ ମନ୍ଦିରରେ ମଧ୍ୟ ଏହି ଉତ୍ସବ ବହୁତ ଆଡ଼ମ୍ବରରେ ପାଳିତ ହୋଇଥାଏ । ଏହାଛଡ଼ା ପଶ୍ଚିମ ବଙ୍ଗରେ ଶ୍ରୀଚୈତନ୍ୟ ଓ ନିତ୍ୟାନନ୍ଦ ମହାପ୍ରଭୁଙ୍କ ଜନ୍ମସ୍ଥାନ ନବଦ୍ୱୀପରେ ମଧ୍ୟ ଜନ୍ମାଷ୍ଟମୀ ହର୍ଷୋଲ୍ଲାସରେ ପାଳିତ ହୋଇଥାଏ । ଲୋକେ ଉପବାସ ରଖି ଶ୍ରୀକୃଷ୍ଣଙ୍କ ଜନ୍ମ ଓ ଲୀଳା ବର୍ଣ୍ଣନାରେ ସମୃଦ୍ଧ ଶ୍ରୀମଦ୍ଭାଗବତର ଦଶମ ସ୍କନ୍ଧ ପଢ଼ିଥାନ୍ତି । ଜାମ୍ମୁଠାରେ ଏହିଦିନ ଗୁଡ଼ି ଉଡ଼ାଇବାର ପ୍ରଥା ରହିଛି ।
କେଉଁ ସମୟରେ ପାଳନ କରିବେ ଜନ୍ମାଷ୍ଟମୀ?
ଆଜି ୨୬ ଅଗଷ୍ଟ ୨୦୨୪ ଦିନ ଭୋର ୩ଟା ୩୯ ମିନିଟ ସମୟରୁ ଆରମ୍ଭ ହେବ। ୨୭ ଅଗଷ୍ଟ ଭୋର ୨ଟା ୧୯ ମିନିଟ ପର୍ୟ୍ୟନ୍ତ ଜାରି ରହିବ। ଉଦୟ ତାରିଖ ଅନୁଯାୟୀ ଜନ୍ମାଷ୍ଟମୀ ପର୍ବ ୨୬ ଅଗଷ୍ଟରେ ପାଳନ କରାଯାଏ। ତେଣୁ ଏହି ପରିପ୍ରେକ୍ଷୀରେ, ଶ୍ରୀକୃଷ୍ଣ ଜନ୍ମାଷ୍ଟମୀ ପୂଜାର ଶୁଭ ସମୟ ୨୬ ଅଗଷ୍ଟ ରାତି ୧୨ ଟାରୁ ଆରମ୍ଭ ହେବ। ରାତି ୧୨ଟା ସମୟରେ ଅଷ୍ଟମୀ ତିଥି ଏବଂ ରୋହିଣୀ ନକ୍ଷତ୍ରଙ୍କର ଏକ ଶୁଭ ସଂକେତ ହେବ।
