ବୋହୁର ପରକୀୟା ପ୍ରୀତି ଜାଣିଜାଇଥିଲେ ଶାଶୁ !
ପରକୀୟା ପ୍ରୀତିର କରୁଣ ପରିଣତି । ଲୁଚି ଲୁଚି ପରକୀୟା ପ୍ରୀତିରେ ମାତିଥିଲା ବୋହୁ । ଆଉ ଭାବୁଥିଲା ଏକଥା କେହି ଜାଣିପାରୁନାହାନ୍ତି । ହେଲେ ଏସବୁ ଘଟଣା ନଜର ପଡିଥିଲା ଶାଶୁଙ୍କ ଆଖିରେ । ଯେତେବେଳେ ଏକଥା ପଚାରି ବୋହୁକୁ ତାଗିଦ କରନ୍ତି ଶାଶୁ ସେତେବେଳେ ହରଡଗଣାରେ ପଡିଯାଏ ବୋହୁ । ମନେମନେ ସ୍ଥିର କରିସାରିଥାଏ କିପରି ନିଜ ରାସ୍ତାରୁ କିପରି କଣ୍ଟା ସାଜିଥିବା ଶାଶୁକୁ ହଟାଇବ । ଆଉ ରଚିଥିବା ପ୍ଲାନରେ ଅଫଲା ହୁଏ , ଏମିତିକି ପୋଲିସ ମଧ୍ୟ ସୁରାକ ପାଇଲା ନାହିଁ। ହେଲେ ସତକୁ ଲୁଚାଇବାକୁ ଯେତେ ଚେଷ୍ଟା କଲେ ବି ପୋଲିସ ଆଖିରୁ ଖସିପରିଲା ନାହିଁ ବୋହୁ , ନିଜେ ଶାଶୁର ତଣ୍ଟି କାଟି ହତ୍ୟା କରିଥିବା ପୋଲିସ ଆଗରେ ସ୍ଵୀକାର କରିଛି ।
ଏହି ଘଟଣାଟି କିଛି ଦିନ ତଳର , ବୋଧ ହୁଏ ଆପଣ ଖବର କାଗଜରେ ପଡିଥିବେ କି ଖଣ୍ଡଗିରିବାରିରେ ଘରେ ଦୁବୃର୍ତ୍ତ ପଶି ବୃଦ୍ଧାଙ୍କ ତଣ୍ଟି କାଟି ହତ୍ୟା । ଏହି ଘଟଣାର ପୁରା ପର୍ଦ୍ଦାଫାସ କରିଛି ପୋଲିସ । ଦୁର୍ବୁତ୍ତ ନୁହେଁ ବରଂ ନିଜେ ବୋହୁ କାଟିଥିଲା ଶାଶୁର ତଣ୍ଟି । ପରକୀୟା ପ୍ରୀତି ଧରାପଡିଯିବା ଭୟରେ ଏପରି ଜଘନ୍ୟ କାଣ୍ଡ ଘଟାଇଛି ବୋହୁ । ଭୁବନେଶ୍ୱରର ଖଣ୍ଡଗିରି ବାରିରେ ବୃଦ୍ଧା ମଦା ପଲେଇଙ୍କ ହତ୍ୟାକାଣ୍ଡ ଘଟଣାର ୮ ଦିନ ପରେ ଏହାର ପର୍ଦ୍ଦାଫାସ କରି ଆଜି ତାଙ୍କ ବୋହୂ ବୈଶାଖୀ ପଲେଇଙ୍କୁ ବାନ୍ଧିଛି ପୁଲିସ୍। ଖାଲି ସେତିକି ନୁହେଁ ବୃଦ୍ଧାଙ୍କୁ ମାରିବାକୁ ବ୍ୟବହାର କରିଥିବା ଛୁରୀକୁ ପାଇଖାନା ଟାଙ୍କିରୁ ପୋଲିସ ଜବତ କରିଛି ।
