୨୮ଟି ଜିଲ୍ଲାର ୪୮ହଜାର ୬୯୩ ହିତାଧିକାରୀଙ୍କୁ ମିଳିଲା ଅନ୍ତ୍ୟୋଦୟ ଗୃହ ଯୋଜନାର ପ୍ରଥମ କିସ୍ତି
ଅନ୍ତ୍ୟୋଦୟ ଗୃହ ଯୋଜନାରେ ମିଳିଲା ଘର ତିଆରି ପାଇଁ ପ୍ରଥମ କିସ୍ତି ଟଙ୍କା । ୨୮ଟି ଜିଲ୍ଲାର ୪୮ହଜାର ୬୯୩ ହିତାଧିକାରୀଙ୍କୁ ପ୍ରଥମ କିସ୍ତିର ୪୦ ହଜାର ଟଙ୍କା ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ୪ମାସ ମଧ୍ୟରେ କାମ ଶେଷ କଲେ ୨୦ହଜାର ଟଙ୍କା ପ୍ରୋତ୍ସାହନ ରାଶି ଦେବାକୁ ମଧ୍ୟ ଘୋଷଣା କରିଛନ୍ତି । ଏହା ସହ ୪୭୧ ଟି ଗ୍ରାମପଞ୍ଚାୟତ କାର୍ଯ୍ୟାଳୟର ଭୂମିପୂଜନ କରିଛନ୍ତି । ଗୋଟିଏ ଛାତ ତଳେ ପଞ୍ଚାୟତର ସମସ୍ତ ସେବା ମିଳିପାରିବ। ଏଗୁଡ଼ିକ ୱାନ ଷ୍ଟପ ସର୍ଭିସ ସେଣ୍ଟର ହେବ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଭୁବନେଶ୍ବର ଲୋକସେବା ଭବନରେ ଭିଡିଓ କନଫରେନ୍ ସିଂ ମାଧ୍ୟମରେ ପ୍ରଥମ କିସ୍ତି ଟଙ୍କା ପ୍ରଦାନ ସହ ପଞ୍ଚାୟତ କାର୍ଯ୍ୟାଳୟର ଭୂମିପୂଜନ କରିଛନ୍ତି ।
