ଛତିଶଗଡ଼ରେ ଏନକାଉଣ୍ଟର, ୪ ମାଓବାଦୀ ନିହତ
ଛତିଶଗଡ଼ରେ ବଡ଼ ଧରଣର ଏନକାଉଣ୍ଟର । ସୁରକ୍ଷାକର୍ମୀଙ୍କ ଗୁଳିରେ ୪ ମାଓବାଦୀ ନିହତ । ଅବୁଜମାଡ ଜଙ୍ଗଲରେ ହୋଇଥିବା ଏନକାଉଣ୍ଟର । ଏଥିରେ ଜଣେ ଯବାନ ମଧ୍ୟ ସହିଦ ହୋଇଛନ୍ତି । କୋଣ୍ଡାଗାଓ, ନାରାୟଣପୁର ଓ ଦନ୍ତେୱାଡା ଜିଲ୍ଲାର ଡିଆରଜି ଓ ଏସଟିଏଫ ବାହିନୀର ମିଳିତ ନକ୍ସଲ ବିରୋଧୀ ଅପରେସନ ବେଳେ ମାଓବାଦୀ ଓ ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଗତକାଲି ରାତିରେ ଏହି ଏନକାଉଣ୍ଟର ହୋଇଥିବା ବେଳେ ଆଜି ସକାଳେ ଅବୁଜମାଡ ଜଙ୍ଗଲରେ ସର୍ଚ୍ଚ ଅପରେସନ କରି ଯବାନ ମାନେ ୪ ଜଣ ନକ୍ସଲଙ୍କ ମୃତଦେହ ଉଦ୍ଧାର କରିଛନ୍ତି । ଘଟଣା ସ୍ଥଳରୁ ଏକେ-୪୭ ଓ ଏସଏଲଆର ପରି ଅନେକ ଅତ୍ୟାଧୁନିକ ବନ୍ଧୁକ ଜବତ ହୋଇଛି । ମାଓବାଦୀଙ୍କ ଗୁଳିରେ ହେଡ୍ କନେଷ୍ଟବଳ ସନ୍ନୁ କରାମ ସହିଦ ହୋଇଛନ୍ତି।
