ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ଅଡିବସିଲେ ଗ୍ରାମବାସୀ
ଅନୁଗୁଳରେ ହାତୀ ଆତଙ୍କ । ଦୁଇଜଣଙ୍କୁ ଦଳି ମାରିଛି ହାତୀ । ସୂଚନା ଅନୁସାରେ ଏଭଳି ଅଭାବନୀୟ ଘଟଣା ଘଟିଛି ଅନୁଗୋଳ ବନଖଣ୍ଡ ପାତେଳି ଗାଁରେ। ମୃତକ ଦ୍ୱୟ ସେହି ଗାଁର ଶଙ୍କର ବିଶ୍ୱାଳ ଓ ଝିଲି ମାଝୀ ହୋଇଥିବା ଜଣାପଡିଛି । ତେବେ ଆଜି ସକାଳେ ଶଙ୍କର ଓ ଝିଲି ବାହାରକୁ ଯାଇଥିବା ସମୟରେ ହାତୀ ସାମ୍ନାରେ ପଡ଼ି ଯାଇଥିଲେ। ହାତୀଠୁ ଖସିବା ବେଳେ ହାତୀଟି ସେମାନଙ୍କୁ ଦଳି ଦେଇଥିଲା। ଘଟଣାସ୍ଥଳରେ ଉଭୟଙ୍କର ମୃତ୍ୟୁ ହୋଇଥିଲା।
ଘଟଣା ପାଡ଼େ ଗ୍ରାମବାସୀ ଏ ସମ୍ପର୍କରେ ବନ ବିଭାଗକୁ ଜଣାଇଥିଲେ। ହେଲେ ବନ ବିଭାଗ ଅଧିକାରୀ କେହି ଘଟଣାସ୍ଥଳରେ ଏପର୍ଯ୍ୟନ୍ତ ପହଞ୍ଚି ନଥିଲେ ।ଏହି ଘଟଣାକୁ କେନ୍ଦ୍ରକରି ସ୍ଥାନୀୟରେ ଦେଖାଦେଇଥିଲା ଉତ୍ତେଜନା। ଉତ୍ତ୍ୟକ୍ତ ଲୋକେ ଅନୁଗୁଳ-ବନ୍ତଳା ରାସ୍ତା ଅବରୋଧ କରିଛନ୍ତି। ଯାହାଫଳରେ ଉଭୟ ପଟରେ ଗାଡ଼ିମଟର ଅଟକି ରହିଥିଲା । ମୃତକଙ୍କ ପରିବାରକୁ କ୍ଷତି ପୂରଣ ଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି। ତେବେ ଜଙ୍ଗଲି ଜନ୍ତୁଙ୍କ ଠାରୁ କିପରି ସୁରକ୍ଷା ମିଳିବ ସେ ଦିଗରେ ବନ ବିଭାଗ ତତ୍ପର ହେବ ନେଇ ମଧ୍ୟ ଦାବି ହୋଇଥିବା ଦେଖିବାକୁ ମିଳିଛି ।
