ନିର୍ବାଚନ ଆଗରୁ ୨ ଜିଲ୍ଲାରେ ନୂଆ ଏସପିଙ୍କୁ ନିଯୁକ୍ତି
ରାଉରକେଲା, ଅନୁଗୁଳରେ ନୂଆ ଏସପି ଏବଂ କଟକରେ ଡିସିପି ନିଯୁକ୍ତ ହେଲେ ନିର୍ବାଚନ କମିଶନ । ରାଉରକେଲା ଏସପି ଭାବେ ବ୍ରିଜେଶ କୁମାର ରାୟ, ଡକ୍ଟର ଉମାଶଙ୍କର ଦାସ ଅନୁଗୁଳ ଏସପି ଏବଂ କଟକ ଡିସିପି ଭାବେ ପ୍ରକାଶ ଆର ନିଯୁକ୍ତ ହୋଇଛନ୍ତି । ନୂଆ ନିଯୁକ୍ତି ବାବଦରେ ନିର୍ବାଚନ କମିଶନ ରାଜ୍ୟ ମୁଖ୍ୟ ନିର୍ବାଚନ କମିଶନଙ୍କୁ ଚିଠି ଲେଖି ଅବଗତ କରାଇଛନ୍ତି ।
ସୂଚନାଯୋଗ୍ୟ ଓଡ଼ିଶାର ୮ ଅଧିକାରୀଙ୍କୁ ନିର୍ବାଚନ କାର୍ଯ୍ୟରୁ ହଟାଇବାକୁ ଭାରତୀୟ ନିର୍ବାଚନ କମିସନ ଗତ ଏପ୍ରିଲ ୨ ତାରିଖରେ ନିର୍ଦ୍ଦେଶ ଦେଇଥିଲେ। ସେମାନଙ୍କ ମଧ୍ୟରେ କେନ୍ଦ୍ରାଞ୍ଚଳ ରେଞ୍ଜ ପୁଲିସ୍ ଆଇଜି , ଜଗତସିଂହପୁର ଓ କଟକ ଜିଲ୍ଲାପାଳ ଏବଂ ୫ ପୁଲିସ ଏସପି ଥିଲେ । ତେବେ ଆଜି ୩ ଅଧିକାରୀଙ୍କୁ କଟକ ଡିସିପି, ଅନୁଗୁଳ ଓ ରାଉରକେଲା ଏସ୍ପି ଭାବେ ଦାୟିତ୍ୱ ମିଳିଥିବା ବେଳେ ଆଉ ଅବଶିଷ୍ଟ ୨ ଜିଲ୍ଲାପାଳ, ୩ ଏସ୍ପି ଓ କେନ୍ଦ୍ରାଞ୍ଚଳ ରେଞ୍ଜ ପୁଲିସ୍ ଆଇଜି ପଦବୀ ଫାଙ୍କା ଥିବା ବେଳେ ଉକ୍ତ ପଦବୀରେ ଖୁବ୍ ଶୀଘ୍ର ନିଯୁକ୍ତି ହେବ ବୋଲି ଜଣାଯାଇଛି।
