ଯାଜପୁର ରୋଡ ଥାନା ସୋଲେଇ ପଡିଆ ନିକଟରେ ଚଢ଼ାଉ। ଡକାୟତି ଉଦ୍ୟମ କରୁଥିବା ବେଳେ 6ଜଣ ଗିରଫ। ବାଇକ,ମୋବାଇଲ ସମେତ ମାରଣାସ୍ତ୍ର ଜବତ l ସୂଚନା ଅନୁଯାୟୀ ଗତ କିଛିଦିନ ହେବ ଯାଜପୁର ରୋଡ ଥାନା ବ୍ୟାସନଗର ଅଂଚଳରେ ଡକାୟତି ବଢିବାରେ ଲାଗିଛି l ତେବେ ଏହି ଘଟଣାର ଗୁରୁତ୍ୱକୁ ଦୃଷ୍ଟିରେ ରଖି ଯାଜପୁର ଏସପି ଭିନିତ ଅଗ୍ରୱାଲଙ୍କ ନିର୍ଦ୍ଧେଶ କ୍ରମେ ଯାଜପୁର ରୋଡ ପୋଲିସ ବିଭିନ୍ନ ଅଂଚଳରେ ଚଢ଼ାଉ ଜାରି ରଖିଥିଲା l
ତେବେ ଗତକାଲି ବିଳମ୍ବିତ ରାତିରେ ସୋଲେଇ ଗାଁ ଖେଳପଡିଆରେ କିଛି ଦୁର୍ବୁତ୍ତ ଡକାୟତି ଉଦ୍ୟମ କରିବାକୁ ଯୋଜନା କରୁଥିଲେ l ତେବେ ଏହି ଖବର ପାଇ ଯାଜପୁର ରୋଡ ପୋଲିସ ଘଟଣା ସ୍ଥଳରେ ଚଢ଼ାଉ କରି 6ଜଣ ଅଭିଯୁକ୍ତକୁ ଗିରଫ କରିବାରେ ସଫଳ ହେଇଥିଲେ l ତେବେ ଏହି ଦୁର୍ବୁତ୍ତ ମନେ ହେଲେ ଯାଜପୁର ରୋଡ ଥାନା ଯୋଗୀ ସାହିର ବନମାଳୀ ସଏ,ଧବଳଗିରି ଅଂଚଳର ବିଶ୍ୱରଂଜନ ପୂର୍ତ୍ତୃ, ହୁଡ଼ିସାହି ଅଂଚଳର ରବୀନ୍ଦ୍ର ପାତ୍ର,ଦାନଗଦି ଅଂଚଳର ଗୌରାଙ୍ଗ ହାଁସଦା, ମଙ୍ଗନ ସୋରେନ ଓ ସାରଙ୍ଗ ପୁର ଅଂଚଳର ଗୌତମ ଜେନା ବୋଲି ଜଣାପଡିଛି l
ତେବେ ଏହି ଅଭିଯୁକ୍ତଙ୍କ ନିକଟରୁ 5ଟି ବାଇକ,6ଟି ମୋବାଇଲ ଓ ବିଭିନ୍ନ ମାରଣାସ୍ତ୍ର ଜବତ ହେଇଥିବା ସୂଚନା ମିଳିଛି l ସେପଟେ ଆଜି ଯାଜପୁର ରୋଡ ପୋଲିସ ପକ୍ଷରୁ ଅଭିଯୁକ୍ତଙ୍କର କୋଭିଡ ଟେଷ୍ଟ ପରେ କେଶ ନମ୍ବର 301/23ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ଉପେନ୍ଦ୍ର କୁମାର ପ୍ରଧାନ ସୂଚନା ଡେଇଛନ୍ତି l
