DVRରୁ ମିଳିବ MAYDAY କଲ୍ ର ବିଶେଷ ତଥ୍ୟ
ମିଳିଲା ଡ୍ରିମଲାଇନର ଭିଡିଓ ରେକର୍ଡର । ଦୁର୍ଘଟଣାଗ୍ରସ୍ତ ବିମାନରୁ ମିଳିଛି ଡିଜିଟାଲ ଭିଡିଓ ରେକର୍ଡର । ବିମାନର ଭଗ୍ନାଂବଶେଷରୁ DVR ଉଦ୍ଧାର କରିଛି ଗୁଜରାଟ ATS । ସେପଟେ ବ୍ଲାକବକ୍ସ ଖୋଲିବ କ୍ରାସର ସତ। ଯାନ୍ତ୍ରିକ ତ୍ରୁଟି ନା ମାନବୀୟ ତ୍ରୁଟି। ନା ଆଉ କିଛି କାରଣ ରହିଛି । ବ୍ଲାକ ବକ୍ସ ମିଳିବା ପରେ ସବୁ ଜଣା ପଡିବ । କାରଣ ବ୍ଲାକବକ୍ସରେ ସବୁ ତଥ୍ୟ ରେକର୍ଡ ହୋଇ ରହିଥାଏ । ବିମାନରେ ଦୁଇଟି କମଳା ରଙ୍ଗର ବ୍ଲାକବକ୍ସ ଥାଏ ।
ସୂଚନା ମୁତାବକ ବିମାନର ଦୁଇଟି ବ୍ଲାକ ବକ୍ସରୁ ଗୋଟିଏ ମିଳିଛି। ଆଉ ଗୋଟିଏର ସନ୍ଧାନ ଚାଲିଛି । ଗୋଟିଏ ବ୍ଲାକ ବକ୍ସ କକପିଟ୍ ଭଏସ ରେକର୍ଡର ଏବଂ ଅନ୍ୟଟି ଫ୍ଲାଇଟ ଡାଟା ରେକର୍ଡର FDR । ଫ୍ଲାଇଟ ଡାଟା ରେକର୍ଡରରେ ଗୁରୁତ୍ବପୂର୍ଣ୍ଣ ବୈଷୟିକ ତଥ୍ୟ ଅଲଟିଚ୍ୟୁଡ୍, ସ୍ପିଡ୍, ଇଞ୍ଜିନ ଥ୍ରଷ୍ଟ ଏବଂ ଫ୍ଲାଇଟ୍ ପାଥ ଆଦି ରେକର୍ଡ ହୁଏ । କକପିଟ ଭଏସ ରେକର୍ଡରରେ କକପିଟରେ ପାଇଲଟଙ୍କ କଥାବାର୍ତ୍ତା, ରେଡିଓ ଟ୍ରାନମିସନ, ସତର୍କ ଆଲରାମ ଆଦି ଶବ୍ଦ ରେକର୍ଡ ହୁଏ । ବର୍ତ୍ତମାନ ଫରେନସିକ ଟିମ୍ ଅନୁସନ୍ଧାନ ଚଳାଇଛନ୍ତି ।
