ଗ୍ୟାସ୍ ଟାଙ୍କି ଫାଟି ଶାଶୁ-ବୋହୂ ଗୁରୁତର
ଯାଜପୁର ଜିଲ୍ଲା ପାଣିକୋଇଲି ଥାନା ଅନ୍ତର୍ଗତ ବଡ଼ବିରୁହାଁ ଗାଁରେ ଅଘଟଣ । ଘରେ ରୋଷେଇ ଖରୁଥିବା ବେଳେ ଜଳିଗଲା ଗ୍ୟାସ୍ ଟାଙ୍କି । ଫଳରେ ରୋଷେଇ କରୁଥିବା ଶାଶୁ ବୋହୂଙ୍କ ଦେହରେ ନିଆଁଲାଗି ଗୁରୁତର ହୋଇପଡିଛନ୍ତି । ସେମାନଙ୍କୁ ରକ୍ଷା କରିବାକୁ ଯାଇ ଅନ୍ୟ ତିନି ଜଣ ମଧ୍ୟ ଆହତ ହୋଇଛନ୍ତି । ଯାଜପୁର ରୋଡ଼ ମେଡିକାଲରେ ପ୍ରାଥମିକ ଚିକିତ୍ସା ପରେ ଦୁଇ ମହିଳାଙ୍କୁ କଟକ ଏସସିବି ସ୍ଥାନାନ୍ତର କରାଯାଇଛି । ଆଜି ମଧ୍ୟାହ୍ନରେ ଉକ୍ତ ଗାଁର କମଳା କାନ୍ତ ସ୍ୱାଇଁଙ୍କ ଘରେ ଗ୍ୟାସ ଡେଲିଭରି କର୍ମଚାରୀ ଗ୍ୟାସ ଟାଙ୍କି ଦେଇ ଯିବାପରେ ସେଥିରେ ରେଗୁଲେଟର ଲଗାଇବା ସମୟରେ ଏହି ଅଘଟଣ ଘଟିଥିଲା । ଏଥିରେ କମଳାକାନ୍ତ ନିଜେ ଆହତ ହେବା ସହିତ ତାଙ୍କ ପତ୍ନୀ ସରିତା ସ୍ବାଇଁ ଓ ବୋହୂ ମଧୁସ୍ମିତା ସ୍ବାଇଁ ଜଳିଯାଇଥିଲେ। ଏମାନଙ୍କୁ ବଞ୍ଚାଇବାକୁ ଯଆଇ ଦୁଇ ଜଣ ପଡୋଶୀ ମଧ୍ୟ ଆହତ ହୋଇଛନ୍ତି । ଆହତ ମାନଙ୍କୁ ତୁରନ୍ତ ଯାଜପୁର ରୋଡ୍ ସିଏଚସିକୁ ଚିକିତ୍ସା ପାଇଁ ଅଣାଯାଇଥିଲା । ତେବେ ସେଠାରେ ଅବସ୍ଥା ସଙ୍କଟାପନ୍ନ ହେବାରୁ ପ୍ରାଥମିକ ଚିକିତ୍ସା ପରେ କଟକ ଏସସିବିକୁ ସ୍ଥାନାନ୍ତର କରାଯାଇଛି ।
