ଚାରିଆଡ଼େ ଧୂଆଁ ଧୂଆଁ ପରିବେଶ, ଯାତାୟତ ବାଧାପ୍ରାପ୍ତ
ରାଜ୍ୟର ବିଭିନ୍ନ ସ୍ଥାନରେ ଘନ କୁହୁଡ଼ି । ଚାରିଆଡ଼େ ଧୂଆଁ ଧୂଆଁ ପରିବେଶ । ଘନ କୁହୁଡ଼ି ଯୋଗୁଁ ଯାନବାହାନ ଚଳାଚଳ ପ୍ରଭାବିତ ହୋଇଛି । ସାଧାରଣ ଜୀବନ ଯାତ୍ରା ମଧ୍ୟ ବାଧାପ୍ରାପ୍ତ ହୋଇଛି । ସେପଟେ କୁହୁଡ଼ି ଯୋଗୁଁ ଡେଲାଙ୍ଗ-କଣାସ ଅଂଚଳରେ ପନିପରିବା ଫସଲ ନଷ୍ଟ ହୋଇଛି । ଯାହାକୁ ନେଇ ଚିନ୍ତାରେ ପଡ଼ିଛନ୍ତି ଚାଷୀ । କୁହୁଡ଼ି ଯୋଗୁଁ କୋବି, ଜୁଡ଼ଙ୍ଗ, ବାଇଗଣ ଫସଲ ନଷ୍ଟ ହୋଇଛି । ସେହିପରି ମତ୍ସ୍ୟଜୀବୀ ମାନେ ମଧ୍ୟ କୁହୁଡ଼ି ଯୋଗୁଁ ସମସ୍ୟାର ସମ୍ମୁଖୀନ ହେଉଛନ୍ତି । କଟକ, ଭୁବନେଶ୍ୱରରେ ମଧ୍ୟ ଘନ କୁହୁଡି ଦେଖିବାକୁ ମିଳିଛି। ଶୀତ କମିଥିବା ବେଳେ କୁହୁଡି ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି। କୁହୁଡି ପାଇଁ ଦୁର୍ଘଟଣା ମଧ୍ୟ ହେଉଛି। ଆଗାମୀ ୨ ଦିନ ଏଭଳି କୁହୁଡି ଲଗିରହିବ ବୋଲି ସୂଚନା ମିଳିଛି।
