ଦିଲ୍ଲୀ ବିଧାନସଭା ନିର୍ବାଚନ, ୪୭୭ ପ୍ରାର୍ଥିପତ୍ର ହେଲା ନାକଚ
ଦିଲ୍ଲୀ ବିଧାନସଭା ନିର୍ବାଚନକୁ ନେଇ ଏବେ ରାଜନୀତି ସରଗରମ ରହିଛି | ବିଶେଷ କରି ଆମ ଆଦମୀ ପାର୍ଟି ବା ଆପ, ବିଜେପି ଓ କଂଗ୍ରେସ ମଧ୍ୟରେ ତୀବ୍ର ଟକ୍କର ହେବାକୁ ଯାଉଛି | ଆଉ ଏହାରି ଭିତରେ ବିଭିନ୍ନ ଦଳର ନେତାଙ୍କ ମଧ୍ୟରେ ଆରୋପ ପ୍ରତ୍ୟାରୋପ ମଧ୍ୟ ଜାରି ରହିଛି | ଭୋଟରଙ୍କୁ ନିଜ ଆଡକୁ ଆକୃଷ୍ଟ କରିବାକୁ ସମସ୍ତ ଦଳ ଜୋରସୋରରେ ପ୍ରୟାସ କରୁଛନ୍ତି | ତେବେ ଫେବୃଆରୀ ୫ରେ ଅନୁଷ୍ଠିତ ହେବାକୁ ଥିବା ଦିଲ୍ଲୀ ବିଧାନସଭା ନିର୍ବାଚନରେ ମୋଟ ୧,୦୪୦ ଜଣ ପ୍ରାର୍ଥୀ ନିର୍ବାଚନ ମଇଦାନରେ ଅଛନ୍ତି। ନିର୍ବାଚନ ପାଇଁ ୧,୫୨୨ ଜଣ ପ୍ରାର୍ଥୀ ନାମାଙ୍କନ ଦାଖଲ କରିଥିଲେ। ଯାଞ୍ଚ ସମୟରେ, ୪୭୭ ଜଣଙ୍କ ନାମାଙ୍କନ ପତ୍ର ନାକଚ କରାଯାଇଥିଲା। ନାମାଙ୍କନ ଦାଖଲର ଶେଷ ତାରିଖ ଜାନୁଆରୀ ୧୭ ଥିଲା, ଯେଉଁ ତାରିଖରେ ସର୍ବାଧିକ ୬୮୦ ଜଣ ନାମାଙ୍କନ ଦାଖଲ କରିଥିଲେ, ଜାନୁଆରୀ ୧୬ ତାରିଖରେ ୫୦୦ ଜଣ ନାମାଙ୍କନ ଦାଖଲ ହୋଇଥିଲେ। ଶନିବାର ନାମାଙ୍କନ ପତ୍ର ଯାଞ୍ଚ ସମାପ୍ତ ହୋଇଥିଲା, ଆଉ ୪୭୭ ଜଣଙ୍କ ନାମାଙ୍କନ ନାକଚ କରାଯାଇଥିଲା | ଯେତେବେଳେ ପ୍ରାର୍ଥୀମାନେ ଜାନୁଆରୀ ୨୦ ପର୍ଯ୍ୟନ୍ତ ସେମାନଙ୍କ ନାମ ପ୍ରତ୍ୟାହାର କରିପାରିବେ।
