କେମିତି ମଲା ଦନ୍ତା !
ପୁଣି ଗଲା ଆଉ ଏକ ଦନ୍ତାର ଜୀବନ। ଦନ୍ତାର ଜୀବନ ନେଲା ଇଲେକ୍ଟ୍ରି କରେଣ୍ଟ! ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦୁଝର ବନଖଣ୍ଡ ତେଲକୋଇ ବନାଞ୍ଚଳ ବିମଳା ଫରେଷ୍ଟ ବିଟ୍ ଅଧୀନ ଆକୁଳ ମୁଣ୍ଡା ସାହି ନିକଟରେ । ଏକ ଦନ୍ତା ହାତୀର ମୃତ୍ୟୁ ଘଟିଥିବା ବେଳେ ହାତୀଟିକୁ ପ୍ରାୟ ୧୦ ବର୍ଷ ହୋଇଥିବା ନେଇ ପ୍ରାଥମିକ ପର୍ଯ୍ୟାୟରେ ସୂଚନା ମିଳିଛି ।
ହାତୀଟିର ମୃତଦେହ ଯେଉଁ ସ୍ଥାନରେ ପଡ଼ିଛି ସେଠାରେ ଫସଲର ସୁରକ୍ଷା ପାଇଁ ସୋଲାର ବିଦ୍ୟୁତ୍ ପ୍ରବାହିତ ତାର ବିଛା ଯାଇଥିଲା। ହାତୀର ମୃତ୍ୟୁର କାରଣ ସଂପର୍କରେ ବନ ବିଭାଗ ପକ୍ଷରୁ କିଛି ସ୍ପଷ୍ଟ ସୂଚନା ଦିଆଯାଇନଥିବା ବେଳେ ବିଦ୍ୟୁତ୍ ଆଘାତରୁ ତା’ର ମୃତ୍ୟୁ ଘଟି ଥାଇପାରେ ବୋଲି ଅନୁମାନ କରାଯାଉଛି। ତେବେ ପୋଷ୍ଟମର୍ଟମ ପରେ ହିଁ ହାତୀ ମୃତ୍ୟୁର ପ୍ରକୃତ କାରଣ ଜଣା ପଡ଼ିବ।
