ଅକ୍ଟୋବର ୧୩ରେ ନିଲାମ ହେବ ବଡ଼ମ୍ବା ଚିନିକଳ
ଆସନ୍ତା ଅକ୍ଟୋବର ୧୩ରେ ନିଲାମ ହେବ ବଡ଼ମ୍ବା ଚିନିକଳ । ୫ ହଜାର ଚାଷୀଙ୍କ ଅଂଶଧନରେ ୧୯୮୪ରେ ଗଢି ଉଠିଥିବା ବଡ଼ମ୍ବା ଚିନିକଳ ଦୀର୍ଘ ଦିନ ଧରି ବନ୍ଦ ରହିଥିଲା । କିନ୍ତୁ କମ୍ପାନୀ ୟୁନିଅନ୍ ବ୍ୟାଙ୍କ ଅଫ୍ ଇଣ୍ଡିଆ, ମୁମ୍ବାଇ ନରିମାନ ପଏଣ୍ଟ ଶାଖାରୁ ୩୬୯ କୋଟି ୫ ହଜାର ୯୬୫ ଟଙ୍କା ଋଣ ଆଣିଥିଲା । ଋଣ ପରିଶୋଧ କରି ନ ପାରିବାରୁ ନିଲାମ କରିବାକୁ ନିଷ୍ପତ୍ତି ନିଆଯାଇଛି । ଆସନ୍ତା ଅକ୍ଟୋବର ୧୩ ଦିନ ୧୨ଟାରୁ ୧ଟା ମଧ୍ୟରେ ଏହାର ନିଲାମ କରାଯିବ । ଇସ୍ତାହାରରେ ସମ୍ପତ୍ତିର ସର୍ବନିମ୍ନ ମୂଲ୍ୟ ୧୫ କୋଟି ୧୮ଲକ୍ଷ ଟଙ୍କା ଓ ଅମାନତ ରାଶି ୭୫ ଲକ୍ଷ ୯୦ ହଜାର ଟଙ୍କା ରହିଛି ।
