ଯିଏ ଭୁଲ କରୁଛି ତାକୁ ଛାଡ ନାହିଁ: ମୋଦି
କୋଲକାତାର ଆରଜୀ କର ମେଡିକାଲ ଆଣ୍ଡ ହସ୍ପିଟାଲର ଟ୍ରେନି ଡାକ୍ତରଙ୍କ ଦୁଷ୍କର୍ମ ଏବଂ ହତ୍ୟା ମାମଲାକୁ ନେଇ ସାରା ଦେଶରେ ଉତ୍ତେଜନା ଦେଖାଦେଇଛି। ଏହି ଘଟଣାକୁ ନେଇ ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବଡ ବିବୃତ୍ତି କରିଛନ୍ତି। ପିଏମ ମୋଦୀ କହିଛନ୍ତି ଯେ, ମହିଳାମାନଙ୍କ ବିରୋଧରେ ଅପରାଧ କ୍ଷମାହୀନ ପାପ। ଅପରାଧୀ ଯିଏ ବି ହେଉ ସେ ବଞ୍ଚିବା ଦରକାର ନାହିଁ। ପିଏମ ମୋଦୀ ମହାରାଷ୍ଟ୍ରରେ ଲକ୍ଷପତି ଦିଦି ସମ୍ମିଳନୀରେ ଏହି ବିବୃତ୍ତି ଜାରି କରିଛନ୍ତି।
ମହାରାଷ୍ଟ୍ରର ଜଲଗାଓଁରେ ଆୟୋଜିତ ଲକ୍ଷପତି ଦିଦି କାର୍ଯ୍ୟକ୍ରମରେ ମୋଦି କୋଲକାତା, ବଦଲାପୁର ଓ ଆସାମରେ ଘଟିଥିବା ମହିଳା ବିରୋଧୀ ହିଂସା ପ୍ରସଙ୍ଗ ଉଠାଇଛନ୍ତି। ମହିଳା ବିରୋଧୀ ଅପରାଧକୁ ସେ ଅକ୍ଷମଣୀୟ ପାପ ଭାବେ ଅବିହିତ କରିଛନ୍ତି। ମୋଦି କହିଛନ୍ତି, ମହିଳାଙ୍କ ପ୍ରତି ଅପରାଧ ଅକ୍ଷମଣୀୟ। ଯିଏ ଶୋଷିତ ହୁଏ, ତାଙ୍କୁ ରକ୍ଷା କରାଯିବା ଉଚିତ ନୁହେଁ। ଯେଉଁମାନେ ତାଙ୍କୁ ସାହାଯ୍ୟ କରନ୍ତି ସେମାନଙ୍କୁ ମଧ୍ୟ କ୍ଷମା ଦେବା ଉଚିତ ନୁହେଁ। ଡାକ୍ତରଖାନା, ବିଦ୍ୟାଳୟ, କାର୍ଯ୍ୟାଳୟ ହେଉ କିମ୍ବା ଅନ୍ୟ କେଉଁ କାର୍ଯ୍ୟାଳୟ ଯେଉଁଠି ବି ଏହି ମାମଲାକୁ ନେଇ ଅବହେଳା ହୋଛି ତା’ର ହିସାବ ହେବା ଦରକାର। ଉପର ମହଲାରୁ ତଳ ମହଲା ଯାଏଁ ସବୁଠି ଏହି ବାର୍ତ୍ତା ଯିବା ଉଚିତ ଯେ ଏହି ପାପ ଅକ୍ଷମଣୀୟ ଅଟେ। ଏକ ସମାଜ ତଥା ସରକାର ଭାବରେ ଆମର ଏହା ବଡ ଦାୟିତ୍ୱ ଯେ ଆମ ସରକାରରେ ଯେଉଁମାନେ ମହିଳାଙ୍କ ଉପରେ ଅତ୍ୟାଚାର କରଛନ୍ତି ସେମାନଙ୍କୁ କଠୋର ଦଣ୍ଡ ଦିଆଯିବ।
