ଟ୍ରକକୁ ପିଟିଲା କୋର୍ଟ ଭ୍ୟାନ୍, ୨ ଆହତ
ଟ୍ରକକୁ ପଛପଟୁ ପିଟିଲା କୋର୍ଟ ଭ୍ୟାନ୍ । ଭ୍ୟାନ୍ର କାଚ ଭାଙ୍ଗି ଚୁରମାର ହୋଇ ଯାଇଥିବା ବେଳେ ୨ ଜଣ ଆହତ ହୋଇଛନ୍ତି। ଆହତ ଦ୍ୱୟଙ୍କ ମଧ୍ୟରୁ ଜଣେ ପୋଲିସ କର୍ମଚାରୀ ଓ ଅନ୍ୟ ଜଣେ ମୁଦାଲା ବୋଲି ଜଣାଯାଇଛି। ବୌଦ୍ଧ ଜିଲ୍ଲା ମନମୁଣ୍ଡା ଗାନ୍ଧୀ ଛକରେ ଘଟିଛି ଏହିଦୁର୍ଘଟଣା। ବୌଦ୍ଧ ଜେଲରୁ ପୋଲିସ କର୍ମଚାରୀ ଏବଂ ମୁଦାଲା ମିଶି ମୋଟ ୧୦ ଜଣ ଭ୍ୟାନ୍ ଯୋଗେ କଣ୍ଟାମାଳ କୋର୍ଟକୁ ଯାଉଥିଲେ।ମନମୁଣ୍ଡା ଗାନ୍ଧୀ ଛକରେ ହଠାତ୍ ଭ୍ୟାନ୍ଟି ଆଗରେ ଥିବା ଏକ ଟ୍ରକ୍ରେ ପିଟି ହୋଇଥିଲା। ଫଳରେ ଭ୍ୟାନ୍ର ସମ୍ମୁଖ ଭାଗ ଚୁରମାର ହୋଇଥିବାବେଳେ ଜଣେ ପୁଲିସ ଏବଂ ଜଣେ ମୁଦାଲା ଆହତ ହୋଇଛନ୍ତି । ଉଭୟଙ୍କୁ ମନମୁଣ୍ଡା ଡାକ୍ତରଖାନରେ ପ୍ରାଥମିକ ଚିକିତ୍ସା କରାଯାଇଛି l
